燒魂 (已結業)

燒魂講起燒魂，差不多10年前食過一次，係我哋嘅畢業聚餐，我淨係記得間餐廳嘅名，今日再嚟到餐廳係成個裝修好似唔同咗，不過身邊仲係讀書嘅同學仔☺️平日燒魂放題$308一位，汽水🥤清酒🍶任飲，除咗燒肉任食之外，仲有刺身、壽司🍣、炸物🍤、小食、熟食，不過我覺得燒肉🥩相對比較出色，佢嘅牛肉🐮、豬肉🐷、雞肉🐤質素都好高，和牛肉🐮質鬆軟，牛味好香，而且有唔同口味，每一款都好值得試，牛舌同一口牛最吸引我，骰仔豚肉🐷肥瘦層次分明，一啖一口，薑汁皮蛋貢丸第一次見，咬開真係見到有皮蛋粒，食落有少少🤏薑味，真係好特別，川辣🌶牛丸真係好夠辣，燒完之後更加彈牙，牛味仲好出添！！我覺得有菠蘿燒勁開心，又香又甜又好吃😋壽司🍣款式唔算好多，七味燒三文魚壽司、火炙醬燒蟹棒壽司、忌廉芝士鰻魚壽司都幾好，細細舊岩哂我🍣整體來說食物質素不錯，希望下次嚟食唔會係10年之後啦🤣