定食8 (已結業)

放假同朋友去咗荃灣行街，行到咁上下就順便搵下果區有乜嘢好食，遊遊下就遊到去悅來坊商場，見到有間日本餐廳有好多人喺度排隊，我就知呢間餐廳實無死錯人喇。排咗半個鐘左右終於比我入到去，坐低左之後我就急不及待打開本 Menu 睇睇先。雖然佢午市定食餐選擇不多，但勝在價錢十分抵。好多個餐我都想食，到最後我就叫左特上盛海景丼。飯餐原來都跟好多配菜，有漬物、味噌湯、甜點，而且白飯同味噌湯重可以無限供應，真係抵到冇朋友。