定食8 (已結業) 查看

定食8由取消最初的限時送餐開始質素直線下降食物質素不差只能歸功於廚師但送餐延遲 午飯時間永遠都要等好耐12:30打電話叫外賣自取電話響左好耐先有人聽因為見meau轉左所以先問下想叫的餐是否Lunch Set職員大叫：「做咩啊？我地好忙架！」外賣自取抑或到店外賣其實都一樣要做生意不如你直接話唔接單？貴餐廳的服務質素需要培訓一下只不過是因為近公司附近先至選擇你間餐廳最後食埋今餐Blacklist😊多謝哂

上菜極慢！食物無特式，仲可以無一樣野係好食！滑蛋豬扒飯，餸飯分開，滑蛋豬扒用鐵窩上，變全熟蛋，仲有焦燶味！壽司一夾就散！天婦羅唔脆！應該隔離元氣長期多人難等位，先去試吓！食過一次就中伏，終於明白點解元氣多人排隊都會照排！

分享返早前行過悦來坊食過嘅平價下午茶🌞當日係平日，餐廳內已經係得一兩個食客😣搜尋之下先發覺荃灣呢間已經係唯一一間定食8🔍 💭日式海皇醬炒烏冬($38)睇起嚟好似唔係好大碟，但係烏冬都好飽肚架🍲食得出佢係落左好多XO醬，真係有啲辣♨️但係勝在惹味得黎又幾抵食💁🏻‍♀️ 加3蚊有凍飲🥤菠蘿特飲味道正常🍍可以解下辣都唔錯

朋友等超級耐都未有得食 等多過半個鐘叫侍應去廚房吹單 侍應冇做冇任何反應 完全唔理人吹左兩次 隔籬枱啱啱入嚟食同一個餐反而有遲我哋半個鐘入嚟啲人都開始食緊個餐都仲未到 真係離晒大譜重要一句sorry都冇 聲都唔出句服務態度好差好啦問題嚟啦 一間咁嘅餐廳服務質素極差咁都夠膽收我服務費 唔係俾唔起但真係一蚊都唔想比 最終因為隔籬枱食飽走人個餐都未到 所以朋友個餐cancel咗冇食到 至於我食嗰個食物質素又越嚟越差 飯量又好少好少所以整體來講食到成肚氣 如果大家想成肚氣嘅！歡迎你食

剛巧在附近逛逛遇上醫肚時間，見到午餐都有好多選擇又有位～即刻入去試吓先！店內裝俢有啲似和民+吉野家感覺😝太多選擇～揀咗好耐終於諗到食咩啦！我哋食吞拿魚四鮮丼炙燒海鮮丼凍蘆薈茶首先食物質素方面以$58 一個丼嘅價錢，絕對抵食！份量、味道都唔錯呀！另外加$9又有飲品抵啦！

之前食過幾次外賣嘅定食8，都覺得佢啲丼飯都唔錯。今次突登出嚟試下究竟堂食如何。三文魚三重奏 $58三文魚不過不失，但飯嘅調味啱啱好，以呢個價錢仲附送麵豉湯嚟講係唔錯，而且麵豉湯中仲有幾塊魚肉，我覺得個飯係咁多間丼飯中數一數二。鯖魚丼 $3838蚊一個丼飯仲有麵豉湯送！！！？條魚煎得啱啱好，有肉汁，面頭嘅醬汁同條魚都幾夾，平時唔食魚皮嘅我都食哂成條魚（當然留返啲骨）蒜蓉扇貝 $28👌呢個價錢嚟講扇貝嘅質素算係咁，唔韌，但個調味差咁少少，但以出面一半嘅價錢食扇貝我覺得係咁，如果剩係口痕想食下就建議買個嚟過下口癮總括嚟講我覺得呢間嘢嘅性價比好高，適合唔想食咁貴但有返咁上下質素嘅人，但如果係對食物好有要求就唔建議呢一間，服務同環境都係正常嘅質素。

呢間日本餐廳好似係爭鮮旗下，本身已經知佢好平，有一次無意中下午去，發現佢嘅下午茶平得好誇張。壽司拼盤10幾蚊，刺身拼盤又係10幾蚊，迷你炒烏冬好似只係20幾蚊，真係窮人恩物。

迫放大假的平日下午，想住去aeon買嘢，順手試下平日不會有機會的定食8下午茶，結果中伏。T2 迷你鹽醬牛丼($36)先不提等了25分鐘先有嘢食的問題。也不提2歲外甥也吃不飽的份量。單是透光+連碗面都舖不滿的牛肉簿片，就覺得可憐了。T6迷你燒鰻魚丼($36)相比之下，等了30分鐘的鰻魚丼已經不算太慘了，起碼重有隻蛋食。味道都正常。下午無咩人，試完一次，我應該唔會再食定食8的下午茶如果有機會再來，記得千奇唔好食下午茶，都係食返正餐啦。

有日去開悅來坊嗰頭，諗住順便食埋飯先返屋企，都係是但入咗一間餐廳，但求食個飯醫吓肚，冇抱住太多期望過嚟食。.😋芝士吉列豬扒定食定食本身有個飯、麵豉湯、有個前菜咁，正正常常。芝士吉列豬扒比我想像中大塊，豬扒面頭已經有唔少芝士碎，但原來中間都夾住流心芝士（雖然唔係好流）。豬扒幾脆口，不過炸粉太厚，有啲油膩；芝士量係多，不過芝士味唔夠濃，冇乜期望咁嚟食係ok嘅，但如果芝士迷一心諗住過嚟食芝士，我就覺得就可以慳返啲quota了

今日同朋友去食日本嘢午餐,餐廳位於購物中心的當眼位, 臨近商場出入口,我點左個豪華海鮮丼,定食套餐的主食有豪華海景丼飯,套餐包拍有沙律,小魚乾、茶碗蒸味噌湯及綠茶奶涷,相當豐富。味噌湯,白飯及高麗菜絲,海帶芽,蔥花,麥茶都是無限量供應。海鮮種類繁多,有阿根廷赤蝦、鮭魚、鮭魚子、鮪魚、旗魚、黃金鲱等。啲海鮮都相當新鮮, 點上芥茉入口回甘,回味無窮!份量方面亦相當多, 食完呢餐之後可以唔使食晚飯。順帶一提, 麥茶充滿麥香,多飲幾杯能幫助消化。

🆂🅴🆃🥢 原條鰻魚芝士蛋包飯ᴄʜᴇᴇsᴇ ᴏᴍᴇʟᴇᴛᴛᴇ ʀɪᴄᴇ ᴛᴏᴘᴘᴇᴅ ᴡɪᴛʜ ɢʀɪʟʟᴇᴅ ᴇᴇʟ呢個價錢食到咁大條鰻魚🤩，本身擔心會有伏🤣，結果係冇伏嘅，幾好食～鰻魚大條，厚度正常，不過想要多啲醬汁。不過見唔到芝士嘅蹤影，同埋鰻魚同飯有少少煮得太淋，但可以接受😬。我食嘅呢條鰻魚有成塊面咁長，幾抵食。.🥢 迷你豬軟骨黑蒜烏冬 五貫定食ᴍɪɴɪ ʙʟᴀᴄᴋ ɢᴀʀʟɪᴄ ᴜᴅᴏɴ ᴡɪᴛʜ ᴘᴏʀᴋ ᴄᴀʀᴛɪʟᴀɢᴇ & sᴜsʜɪ sᴇᴛ五貫壽司🍣包括有三文魚壽司、甜蝦壽司、鰻魚壽司、蟹膏蟹肉軍艦、小柱軍艦。豬軟骨烏冬🍜就係好似大學食堂咁樣嘅水平質素。整體不過不失，味道正正常常。呢個價錢有咁多嘢食都幾抵嘅，所以本身都冇要求太多～

唔知點解好耐無食日式定食，之前經過過呢間，睇到定食都幾吸引，今次黎荃灣就入去試下。真係睇menu先發現都幾多選擇嘅。選左一個炸嘢，日式海鮮天婦羅盛合，配烏冬，，每個餐都有一碗麵豉湯同一少碟前菜，就係中華沙律，無汁有,D干。但個天婦羅炸得幾好，脆漿夠薄，D食材尚算新鮮，無乜梅到。另一個叫左迷你豬軟骨黑蒜烏冬配升級五貫定食。，坦白講個烏冬一D黑蒜都唔太覺，似普通日式湯烏冬多D。個壽司就不過不失嘅。加錢先可以叫杯柚子茶。其實應該天婦羅個定食，配下素飯，試下唔同嘢嘛，蠢左。不過質素感覺太普通，係豬軟骨較入味同流心蛋好少少。荃灣選擇太多了，好易會被遺忘，要攪下新意，或提升下質素了。

▷芝士豬扒定食 $36(Pandapro外賣自取)◁以$36嚟計真係超晒班❤️！一塊心掌咁大嘅豬扒～外層沾滿麵包糠炸到好酥脆～即是外賣返嚟攤左陣都仲係脆到咬開會跌晒啲麵包糠😳肉質唔係好柴但無咩肉汁(可能關外賣事？)～芝士拉唔到絲～好淡好淡嘅芝士味～不過👧🏻👦🏻相信現場食就應該好食90%😋⁡▷明太子燒雞扒定食 $43.5(Pandapro外賣自取)◁呢個定食係👦🏻食完之後都仲話要encore嘅一餐🤩切成細長嘅雞扒條配搭微辣嘅明太子醬～簡直係白飯終極者🤓最可惜嘅係當👦🏻食完第3塊雞扒條之後已經撈晒成盒飯🤣下次👦🏻話要加白飯先夠～⁡▷日式炸海苔魷魚 $21.5(Pandapro外賣自取)◁正正因為怕定食唔夠飽～所以叫多咗份小食～魷魚咬落唔會過韌～炸漿溝埋紫菜碎一齊放落去炸～紫菜味突出👍🏻⁡𖤘定食8 (荃灣)❥荃灣荃華街3號悅來坊地下G10號舖

今日行開悦來酒店商場，果然都有不少食店，但因不想食太飽，便揀了定食8的下午茶餐，可能是平日下午，人流不多，只有4至5枱人客。看看餐牌，下午茶價錢由主菜的$28至$38不等，還可以附加小吃，價格上的確很吸引。望吓隔離枱點了散壽司🍣拼盤，嗰樣好似幾靚，便跟着點了這碟小吃，主菜就叫了六貫壽司盛，賣相擺設OK喎（見圖），6件壽司🍣飯散散地，不過都冇乜期望啦！反而小吃的散壽司拼盤，配合紫菜味道不錯👌，都幾好味；最難得就係嗰杯伯爵奶茶，伯爵茶味濃郁，有少少驚喜囉 不過完全無服務可言，還要加一，算啦大家努力振興下香港經濟。

之前行過都見到有兒童餐，今次就同媽咪帶埋小朋友一齊去食！媽咪叫咗豬軟骨烏冬 + 壽司set，抵食，味道都唔錯！我叫咗鰻魚蛋包飯，份量都ok大份！小朋友就食雞唐揚兒童餐，抵食！