影片
更多
2021-11-17
36 瀏覽
年尾要清假，難得平日唔洗返工，梗係去行下街啦。是日黎到千色附近行街，到左晚飯時間，當然係去搵好野食，見到呢間日本餐廳，餐牌上有好多款唔同嘅卷物，睇落非常吸引，就打算入黎試下啦。餐廳嘅裝潢非常特別，好有日式風格，店內採用左淺木同白色，設計開揚，座位都算幾舒服。餐牌上有各式各樣嘅小食，卷物同飯類，我地叫左一個沙律，兩份壽司，同埋三款燒物。柚想蝦你 ：見到呢味菜式嘅名都覺得好特別，呢個沙律有沙律菜、中華沙律、甜蝦、蘋果、牛油果、柚子同車厘茄，上面再放上蟹籽用作點綴。柚子粒份量都幾多，令到整體口感提升，配料都相當新鮮，甜蝦入口相當鮮甜，令人越食越開胃。雖然沙律另配有柚子汁，但由於本身已經加入左麻醬，所以已經好夠味，唔需要再加醬汁。廚師將兩款壽司放係同一隻大碟上，令到整體賣相大大提升。金龍卷：名副其實嘅「金龍」卷係壽司包住炸蝦同忌廉芝士，上面再鋪上三文魚同淋上鰻魚汁，又脆又軟嘅口感真係相當特別，極有層次感，令人一件一件咁食過不停。煙花 ：餡料有辣味三文魚及同辣味吞拿魚茸，入口軟綿綿，配上蟹籽同脆片，非常吸睛，整體配搭令到口感極為豐富，味道亦都唔錯。網燒牛舌 ：一客牛舌有5件，燒得非常香，厚薄適中
餐廳嘅裝潢非常特別，好有日式風格，店內採用左淺木同白色，設計開揚，座位都算幾舒服。餐牌上有各式各樣嘅小食，卷物同飯類，我地叫左一個沙律，兩份壽司，同埋三款燒物。
柚想蝦你 ：
見到呢味菜式嘅名都覺得好特別，呢個沙律有沙律菜、中華沙律、甜蝦、蘋果、牛油果、柚子同車厘茄，上面再放上蟹籽用作點綴。
柚子粒份量都幾多，令到整體口感提升，配料都相當新鮮，甜蝦入口相當鮮甜，令人越食越開胃。
雖然沙律另配有柚子汁，但由於本身已經加入左麻醬，所以已經好夠味，唔需要再加醬汁。
廚師將兩款壽司放係同一隻大碟上，令到整體賣相大大提升。
金龍卷：
名副其實嘅「金龍」卷係壽司包住炸蝦同忌廉芝士，上面再鋪上三文魚同淋上鰻魚汁，又脆又軟嘅口感真係相當特別，極有層次感，令人一件一件咁食過不停。
煙花 ：
餡料有辣味三文魚及同辣味吞拿魚茸，入口軟綿綿，配上蟹籽同脆片，非常吸睛，整體配搭令到口感極為豐富，味道亦都唔錯。
網燒牛舌 ：
一客牛舌有5件，燒得非常香，厚薄適中，能夠鎖住肉汁，入口爽口彈牙，唔會過韌，配上柚子檸檬醬更能中和肉嘅油膩感。
蒜香牛油翠玉瓜 ：
翠玉瓜加上蒜蓉牛油燒過後再灑上黑椒，外層香脆，咬落去仲好多汁添呀。
自家製香菇雞肉丸串：
免治雞肉醃過後加入雞軟骨同香菇後釀成嘅雞肉丸，煎過後外皮非常香，咬落又軟又爽口，非常有咬口，食落仲好多汁，非常特別。
埋單每人都係＄200左右，咁嘅價錢食到既高質又特別嘅日本菜，都算係性價比高啦。
張貼
