影片
更多
2018-01-07
47 瀏覽
除夕夜！即張迎接2018年，當然要豪啲食好啲啦，跟另一半選擇了鮨一心的Omakase！這低調的日本壽司餐廳門面不是一般木色的單調，而是型格的黑色，內裡裝修也是全黑色日籍師傅喺吧枱前已經準備好動手處理今晚豐富嘅晚餐！今晚廚師發辨嘅流程係先付，刺身，燒物，一品料理，壽司，湯物，最後原來重有甜品呢！先付日本BB蘿蔔配面豉醬- 蘿蔔好似入口即溶咁，好清甜，冇渣，完全不用咬呀.荀配木之牙面豉醬- 醬汁比較特別.海螺- 螺肉彈牙，加上少少煮熱嘅肉汁，感覺到好鮮甜美味.海參- 配上日本白醋少少酸，開胃.刺身刺身六款有：赤身，吞拿魚，鰤魚，牡丹蝦，赤貝群邊，夢幻之魚-九繪. 九繪魚自己未食過，所以問師傅點解九繪會有夢幻之魚呢個名？原來係喺日本都好少捕獲嘅深海魚.取材嘅嚴格，新鮮嘅食材加上師傅嘅心機，真係又鮮甜又美味.燒物燒海𩶘配上醃蘿蔔- 以為外皮用上鹽燒，會好乾身～點知食落魚肉不會太乾身，重好有鮮味.一味料理汁煮九繪魚鮫- 啖啖肉，魚肉好滑好嫩，自己好鐘意食汁煮魚，可能日本汁煮係甜甜地啦.今次重要汁煮夢幻之魚，真係未食已經好想叫師傅煮多幾份俾我呀，哈哈!壽司𩶘魚壽司- 配上一塊好似透明咁醃過嘅昆布睇
除夕夜！即張迎接2018年，當然要豪啲食好啲啦，跟另一半選擇了鮨一心的Omakase！這低調的日本壽司餐廳門面不是一般木色的單調，而是型格的黑色，內裡裝修也是全黑色
日籍師傅喺吧枱前已經準備好動手處理今晚豐富嘅晚餐！今晚廚師發辨嘅流程係先付，刺身，燒物，一品料理，壽司，湯物，最後原來重有甜品呢！
先付日本BB蘿蔔配面豉醬- 蘿蔔好似入口即溶咁，好清甜，冇渣，完全不用咬呀.
荀配木之牙面豉醬- 醬汁比較特別.
海螺- 螺肉彈牙，加上少少煮熱嘅肉汁，感覺到好鮮甜美味.
海參- 配上日本白醋少少酸，開胃.
刺身刺身六款有：
赤身，吞拿魚，鰤魚，牡丹蝦，赤貝群邊，夢幻之魚-九繪. 九繪魚自己未食過，所以問師傅點解九繪會有夢幻之魚呢個名？原來係喺日本都好少捕獲嘅深海魚.取材嘅嚴格，新鮮嘅食材加上師傅嘅心機，真係又鮮甜又美味.
燒物燒海𩶘配上醃蘿蔔- 以為外皮用上鹽燒，會好乾身～點知食落魚肉不會太乾身，重好有鮮味.
一味料理汁煮九繪魚鮫- 啖啖肉，魚肉好滑好嫩，自己好鐘意食汁煮魚，可能日本汁煮係甜甜地啦.今次重要汁煮夢幻之魚，真係未食已經好想叫師傅煮多幾份俾我呀，哈哈!
壽司𩶘魚壽司- 配上一塊好似透明咁醃過嘅昆布睇到師傅嘅心思.
池魚壽司- 配上薑蔥冇左腥味，油脂感豐富.
魚子壽司- 不會太腥，魚油豐富，正！
剝皮魚壽司- 配上魚肝，味道更加豐富.
左口魚壽司- 魚和飯中間配上日本蔥.
吞拿魚卷- 配上芝麻，香蔥，蘿蔔.
吞拿魚壽司- 魚油勁豐富，入口即溶咁，成個口都係吞拿魚油嘅甘香，有好幸福嘅感覺，哈！
迷你海膽飯- 取材於北海道嘅馬糞海膽，鮮到不得了！韓國，加拿大嘅海膽一定比下去，完全冇得比呀.
汁物喬麥麵- 師傅話日本人新年前必食喬麥麵，因為麵身易斷，喻意將不好嘅都斷掉，迎接新一年.
面豉魚湯- 看似普通，但係味道好濃厚.
柚子酒啫喱- 配上金箔和食用花瓣，賣相一流，啖啖香濃柚子味，完美結束.
嚴選食材！日本師傅手藝一流，經驗豐富，而且想唔到都好風趣，會同客人互動，雖然收費真係比較貴，但係自己真係十分滿意，無可挑剔，物有所值!
張貼
