德美壽司 (新都城中心1期) (已結業)

德美近年有d名氣，分店都愈開愈多，原因莫過於係食物質素夠高🤤呢晚趁放假前夕，黎德美食左餐豐富和食🍱首先必點既係魚生，本來想叫招牌海膽魚生飯，有哂咁多款刺身同海膽但因為已經叫左卷物同定食，所以最後決定叫個刺身盛合👻睇到三文魚既紋理，就知好新鮮，食落都好肥美好正吞拿魚、油甘魚、甜蝦全部都好厚好鮮好甜👍🏻燒銀雪魚雖然唔多人叫，但其實係暗藏美食🤪魚肉鮮甜扎實，燒汁令條魚好香，將魚既鮮味吊出黎🥰仲叫左個炒野菜，以椰菜金菇荀為主，上面仲好多木魚同芝麻😋又好味又健康