Boon (已搬遷) 新店位置

你睇得出食材上用心，晚餐除左主菜可以選擇，其他都已經係設定好，菜式係西式+日式。頭盤有磯煮鮑魚，味道剛好，伴菜有海葡萄及酸薑再配酸甜醒胃的汁料，呢啲伴碟裝飾其實都唔係每一間餐廳會很花心思去做；我覺得廚師都係追求視覺及味覺的享受。龍蝦湯好濃郁，且特意在你面前才將湯汁緩緩倒下放有龍蝦肉及嫩荀的碟上，充滿視覺效果。蟹肉意式雲吞伴帶子，不用多說，清碟收尾，汁料是我最喜歡的。主菜，我選了白雪魚配蟹肉餅，不用多說，都係清碟收尾，就連墊魚下的菠菜好好食。汁料也是我最喜歡的。甜品，我較喜歡另外下單的生銅蛋糕（伯爵茶口味），物有所值的品質。裝修雅致，風格有啲似喺近牛頭角H字頭的咖啡店，店舖間格好寬敞，每座相間寬闊嘅空間。服務員溫文有禮，食得十分寫意又舒服。