56
3
0
港鐵觀塘站 A2 出口, 步行約7分鐘 繼續閱讀
電話號碼
66339495
開飯介紹
位於觀塘工廈裏的小店,裝修清新,有很多乾花擺設,空間感十足,提供日本菜和法國菜,食物擺盤精緻。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
現金
座位數目
30
其他資料
網上訂座
Wi-Fi
電話訂座
賞訂座積分
獨家網上訂座
有關獎賞計劃
招牌菜
鰹魚熟成封門柳配紫菜薯溶昆布牛油汁 鵪鶉胸青醬意大利飯 虎蝦海膽醬意粉 法式甜薄餅配意大利gelato雪糕
食評 (61)
感覺很放鬆舒適的簡約裝修再加上大量乾花💐太美了!一早𝙱𝚘𝚘𝚔左琴日一開門就衝入去食🧚🏻因為想坐角落頭嘅小桌~店員都好有禮貌好熱心食完都有問下𝚏𝚎𝚎𝚍𝚋𝚊𝚌𝚔 感覺很用心呢~.𝙵𝚘𝚕𝚕𝚘𝚠 𝚑𝚔.𝚏𝚘𝚘𝚍𝚖𝚊𝚙 𝚏𝚘𝚛 𝚖𝚘𝚛𝚎 𝚏𝚘𝚘𝚍🙌🏻.虎蝦海膽醬意粉 $𝟷𝟸𝟾意粉軟硬度剛剛好!海膽醬超香而且好𝚌𝚛𝚎𝚊𝚖𝚢~每條意粉都好入味 食到停唔倒🤣蝦肉都夠爽甜 期待以上的味道😍明太子醬薯條 $𝟺𝟾薯條脆口之餘唔會話太多油明太子醬嘅咸香好正✨份量都幾多下 我地兩個女仔食唔曬🤫法式多士 $𝟾𝟾上枱已經好香~加左水果去左甜膩感!不過覺得可以炸得再脆身多小小應該會更好味☺️伯爵奶泡 $𝟺𝟾伯爵茶味超!香!濃!入口好順滑 而且都幾大杯~傾住計飲就啱曬了☺️朱古力奶泡 $𝟺𝟾呢個一樣入口好綿滑嘅口感不過朱古力味唔算話好濃郁🍫但勝在唔會太甜!如果朱古力味可以出多小小小小就完美了~充滿乾花擺設真係點影都靚💐💐 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-06
1895 瀏覽
宜家很多工廈都隱藏了不少美食,而這間食日法菜式的Boon便是其一。地方不大,只得數張枱,所以最好先行預訂。環境裝修簡單舒服,還有個開放式的水吧,而廚房就設於隔離房間,所以餐廳唔會有油煙味。員工親切有善,會主動介紹餐廳的食物推介。餐牌選擇不算多,有數款輕食,主菜,甜品及飲品。點了一客薯條配明太子醬, 是我最愛的粗薯條,即叫即炸特別好味,炸得香脆,熱度十足,配上明太子醬及紫菜絲,令薯條立即變得日式化。北海道和豚,賣相及味道比得上高級餐廳的出品,但價錢就抵食得多。香煎過及厚切的和豚肉質爽口,配上一些日式燴野菜(蓮藕,紅蘿蔔,冬,青豆及淮及山)沾上少許香辣汁更惹味。這裡的甜品應該頗為出名,眼見每枱都有甜品的。我就點了法式甜薄餅配意大利Gelato 配上焦糖蘋果醬,賣相吸引。法式甜薄餅跟台式可麗餅差不多,但法式的甜餅會比較軟身及薄身,鍾意將甜餅卷上雪糕一齊食,再沾上焦糖蘋果醬,甜而不膩。飲品方面點了伯爵茶Latta及黑加侖子果茶。推介伯爵茶Latta, 比較特別,飲到淡淡的伯爵茶味道,不錯啊。 繼續閱讀
(以上食評乃用戶個人意見 , 並不代表OpenRice之觀點。)
去開apm都鍾意係附近嘅工廈搵餐廳,呢間餐廳💛係新開張,係法國、日本fusion菜😍 (呢間新餐廳同apm幾近) 餐廳以小清新感 簡單裝飾,座位之間唔會太逼,同三五之己一齊傾下偈 dinner 幾好🤓池魚大根漬沙律配柚子汁 $88好少見有呢個組合,好有特色~池魚片上有蒽粒同薑蓉,仲有啲淡淡嘅日本豉油味,帶出魚味🐟,大根漬爽口,酸酸哋🥕,沙律菜新鮮脆身,同柚子汁幾夾。灸燒左口魚邊配蘆筍意大利飯 $148我自己本身都好鍾意左口魚😍,呢個risotto 啱晒!職員上菜時提醒我哋要先撈勻,等啲魚油滲透晒啲飯到。意大利飯質感軟硬適中,粒粒飯都有忌廉包住😋 左口魚溶入飯粒,魚油好香,我勁快食晒。蘆筍無渣,如果可以多少少都ok😝法式甜薄餅配意大利Gelato(香蕉朱古力味)$98除咗有Crepe 另外配上焦糖香蕉、香蕉碎、大量朱古力醬同Gelato🍨。焦糖香蕉脆身,口感更豐富,即使自己本身唔太好香蕉都食晒😋。Gelato充滿雲尼拿籽,唔會得精油味 真材實材🥰,而且gelato唔會太甜。Crepe仲幾有牛油香味,厚薄適中👍🏻伯爵奶泡 $48雖然佢叫Earl Grey Latte☕️,但係佢並冇咖啡因👀 Latte上有一層厚厚嘅奶泡,打得好綿密 好香奶味😛 伯爵茶味都幾濃,配上奶泡,奶味更突出 (不過如果你本身怕甜 可以叫少甜)雜莓乳酪沙冰 $58沙冰粉紅色💕,好吸引,又好大杯,幾乎滿瀉❣️呢杯沙冰有唔少鮮果:紅莓、藍莓🫐、士多啤梨🍓同yogurt 材料豐富味道酸酸甜甜 好開胃😆 可以同creamy嘅左口魚Risotto互相平衡👍🏻小總結,整個用餐體驗令我feel到餐廳好用心同有誠意經營❤️ 每次上菜,職員都會細心介紹👩🏻‍🍳🧑🏻‍🍳 而且,佢哋都好關心客人需要,見朋友杯沙冰滿瀉,專登額外俾咗個杯墊佢😍 嘢食仲要有fusion特色又好味😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-01
1757 瀏覽
觀塘工廈多嘢食就係人都知,我亦周不時會嚟覓食,但中伏令人失望嘅機率比其他地區高。今次朋友就喺網上搵到間新餐廳「Boon」,佢位處喺駿業里嘅工廈,幾近地鐵站👍。題外話,無聊事一則,呢幢工廈有一部迷一般嘅𨋢...。即使係工廈餐廳,環境裝修都算唔錯,行小清新風🌿,門口用上乾花作點綴,簡約不造作。我估計小店應該係租咗兩個鋪位,座位區同水吧設置喺同一邊,而廚房就喺另一度,咁就可以將兩邊分開,食客完全唔會受油煙影響😁。鰹魚熟成封門柳配紫菜薯蓉昆布牛油汁($168),菜名相當長,但每樣食材確係呈現喺菜式入面!第一眼望見封門牛柳覺得肉質可能會有啲柴🥩,邊皮的確有些少韌,但幸好肉中間唔係,熟成度剛好,牛味濃郁亦夠多汁。不過最令我印象深刻係,牛扒當中真係食得出鰹魚汁嘅味道🐟,兩者夾埋毫無違和感,牛扒面頭仲有啲鰹魚乾添。薯蓉入面輕輕加咗啲紫菜碎,我估計牛油亦落得夠重手,所以口感超滑🥔。虎蝦海膽醬意粉($128),呢碟意粉賣相唔錯,連殼虎蝦一枝獨秀🦐。虎蝦大大隻,夠新鮮彈牙,其實另外仲有幾隻蝦㗎。配料固然重要,不過意粉本身更加係靈魂。🍝意粉煮得好好食,麵質彈牙,而且較幼身,睇相都已經睇得出非常掛汁呢。醬汁用上海膽醬,老實講我覺得似普通忌廉汁多啲,但無問題,最緊要好味嘛。法式甜薄餅配意式Gelato($98),Crepe有三款口味揀,包括士多啤梨、焦糖蘋果同我哋揀選嘅香蕉朱古力🍌🍫。法式薄餅喺香港幾受歡迎,唔少地方都有得食。呢塊薄餅大致上係一摺,比起出面食到嘅脆身。香蕉上面有焦糖層,好味道。另一邊廂,我估唔到球雲呢拿雪糕都幾正啵🍨!飲品方面,我哋要咗雜莓乳酪沙冰($58)同士多啤梨拿鐵($48),兩杯感覺都好少女風💕。前者出奇地好飲,因為我本身驚雜莓會偏酸,而佢現時嘅酸味主要係來自乳酪。同時,佢打成係沙冰,所以好襟飲。後者味道似曾相識,🍓士多啤梨同牛奶嘅組合好夾、冇得輸,唯一係略嫌甜咗少少。總括嚟講,小店嘅出品終於打破我觀塘中伏嘅魔咒,我會稱佢為「別出心裁嘅工廈美食」。每道菜索價過百蚊,定價唔平,亦唔係以量取勝,但好在味道真係對得住個價,而且難得做到Fusion嘅效果😋,整體滿意啦~。 繼續閱讀
(以上食評乃用戶個人意見 , 並不代表OpenRice之觀點。)
餐廳:Boon (觀塘)地址:觀塘駿業里10號業運工廈14樓G室唔知你覺得食飯喺唔喺一種恩賜呢?最近去咗觀塘一間新嘅fusion餐廳,以法式菜為主🇫🇷,加入日式元素🇯🇵,佢地每款菜式都加入一啲獨特元素,希望客人可以食到出面食唔到嘅菜式。餐廳名叫「Boon」,意思即喺恩賜,老闆最希望客人嚟到呢度relax又開心,好似得到一份禮物咁🎁,而餐廳充滿唔同手工藝植物同乾花💐,襯埋簡約風格形成一種小清新風氣今次同朋友食咗個early dinner,叫咗:1️⃣炸蠔 $582️⃣封門柳 $1683️⃣士多啤梨法式甜薄餅配意大利gelato $984️⃣Chocolate Latte $485️⃣雜莓乳酪沙冰 $58話明喺法式享受,餐廳唔會催你食完就要走,比你喺用餐嘅過程慢慢聽住舒服嘅音樂🎼,同朋友傾吓偈💬,享受一個真正慢活嘅空間😚先嚟嘅喺飲品,我飲嘅Chocolate latte,唔好比個名呃到,其實入面係冇咖啡成份,latte之意在於飲品面頭嘅鮮奶泡泡,而佢地選用嘅可可粉飲落有濃郁朱古力香🍫,形成漸變層,加上燒過嘅Marshmallow,又幾似雲上雲☁️;朋友飲嘅雜莓乳酪沙冰由raspberry、黑加侖子、士多啤梨🍓等打製而成,加入埋yoghurt,淨喺粉紅色嘅造型都夠哂奪目😍 佢地嘅炸蠔喺嚟自日本🗾,經老闆嚴選之下先揀出呢款炸完依然好爆汁嘅生蠔🦪,而且外層唔厚,唔會食到成口粉👍;封門柳配上燒鰹魚片,薯蓉加入紫菜元素,仲有自家打造嘅昆布牛油汁🧈,可以話完美示範咗一道菜點樣將日式同法式融合,封門柳煎至接近五成熟,色澤紅潤帶點熟成嘅顏色相當吸引,食落配埋脆脆香口嘅鰹魚片真係好特別😚不得不提緊喺甜品啦,薄薄兩片嘅法式甜薄餅,加上雲呢拿味嘅gelato🍨,再畫上士多啤梨醬同加上鮮士多啤梨果肉🍓,未食都已經流晒口水🤤,打返張卡先啦📸,笑~~~ 繼續閱讀
(以上食評乃用戶個人意見 , 並不代表OpenRice之觀點。)