115
15
3
港鐵觀塘站 A2 出口, 步行約7分鐘 繼續閱讀
電話號碼
66339495
開飯介紹
位於觀塘工廈裏的小店,裝修清新,有很多乾花擺設,空間感十足,提供日本菜和法國菜,食物擺盤精緻。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 現金 八達通 Apple Pay 微信支付 Payme
座位數目
30
其他資料
網上訂座
餐廳運作模式 - B類
Wi-Fi
切餅費
電話訂座
賞訂座積分
獨家網上訂座
有關獎賞計劃
招牌菜
鰹魚熟成封門柳配紫菜薯溶昆布牛油汁 炙燒左口魚邊配蘆筍意大利飯 虎蝦海膽醬意粉 挪威三文魚配牛油炊飯蜆汁 法式甜薄餅配意大利gelato雪糕
食評 (146)
等級4 2021-10-29
894 瀏覽
真係諗唔到原來咁舊式的觀塘工廈都有一間咁出色嘅小店😍可以拍拖激下女朋友嚟一個大反差👍🏻小店約有20坐位,店舖小小但佈置相當舒適。令人放鬆!星期六日沒有午餐均採用晚餐MENU。先來張大合照,來之前已經做定功課要試試BOON的封門柳封門柳🐮,即是牛嘅近橫膈膜附近嘅位置好似話非常珍貴㗎!BOON用鰹魚將牛柳熟食,並提高牛柳的"鮮"味。😋為了令客人感受本身牛柳的原味,選用了較淡味的昆布牛油汁。同埋佢個薯蓉食落同普通薯蓉唔同,而且勁creamy!一問之下原來是加了紫菜打成, 配埋牛柳一齊食真係一大享受。燒羊肉配牛油炊飯🐑又係驚喜之作!起初仲覺點解有咁多醬,點食啊😒 點知原來內有乾坤!個忌廉咖喱醬一啲都唔滯,點埋啲羊肉食到我哋舔舔脷🤪。至於個飯就勁重牛油香、其實個飯我都冇乜點食兩個仔都清晒啦XDDD餐前小吃-赤蝦他他好精緻,好似食緊法國餐咁芝士醬下的是切粒的車厘茄及赤蝦刺身。撈埋一齊食又幾新鮮。其實除咗野食BOON的飲品都比我超大驚喜伯爵茶係我至愛,坊間比較小見有伯爵Lattle。首先黎到只係打卡已經贏絕!一飲之下我即刻向老公示意超正。伯爵茶香濃奶泡細滑。一向飲開熱飲的我,都念念不忘。芒果乳酪沙冰我會形容係一杯甜品,係一杯停唔到口的甜品芒果人人愛,加埋乳酪酸酸甜甜又唔會喧賓奪主。有半杯都比仔仔搶住黎飲了。除咗大廈本身比較殘舊,所有野我都好滿意。絕對係會返戰的一間餐廳 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-26
558 瀏覽
今晚在觀塘吃晚餐,這家餐廳有不少雜誌和foodie推薦,於是今晚來試一試。餐廳裝潢比較樸素清新,走自然樸質風,佈置了不少乾花。🔻朱古力奶泡$48上面放了一只棉花糖,增添了不少趣味。入口朱古力味道較淡一些,喝起來沒那麼罪惡。🔻雜莓乳酪沙冰$58以雜莓、乳酪和冰現打出來的,所以雜莓的味道很濃郁,非常足料。🔻煙三文魚生薑沙律配黑胡麻$88沙律加入生薑令平平無奇的沙律增添了不少驚喜,煙三文魚大大一片,口感軟腍。🔻醬油漬三文配牛油炊飯,青醬肉汁$158 醬油漬三文魚大概有七成熟,頂層點綴了三文魚子。入口剛好,嫩嫩的,魚味卻很突出,配上牛油炊飯,口感幼滑滋味。🔻鰹魚熟成封門柳配椰菜花蓉,昆布牛油汁$168熟成封門柳的熟度剛好,入口帶有肥瘦的口感,咬起來很有口感,愈咬愈香。🔻法式多士法式多士十分出色,表面是焦糖,吃起來竟然有像在吃法式布丁的錯覺,配搭雲尼拿籽雪糕正好,清新的雪糕還有雜莓脆粒,入口酸酸甜甜,加上忌廉,絕對令人滿意。 繼續閱讀
(以上食評乃用戶個人意見 , 並不代表OpenRice之觀點。)
等級7 2021-10-10
854 瀏覽
去觀塘區工廠大廈樓上食晏已經唔係新鮮事,但今次去的「Boon」又真係有少少特別。一上到去見到類似餐廳門口,但又有一趟半掩鐵閘,正想推門入來;碰巧隔鄰單位有位貌似餐廳老闆娘捧著碟子走出來,說:「應該這個單位才對啊!請入來吧!你是X小姐嗎?」⋯⋯原來隔壁單位才是餐廳用餐區,鐵閘半掩的單位只是廚房。內部裝修仍然維持工業風,牆身及餐枱布同色系,亦採用了帶工業風的灰藍色調;擺設非常簡單,用了一些類似乾花乾草作為裝飾物。之前光顧過的多間廠廈樓上餐廳,要不是非常簡陋、沒有任何裝修,就是裝修成正規餐廳模樣;與「Boon」的風格完全不同。最貼切形容「Boon」就是裝修整潔、已轉型成為Workshop 的工廈單位;總之,如果唔係見到餐牌,不會與餐廳聯想起來。以廠廈樓上餐廳來說,加上餐廳面積細小,餐牌上的款式選擇已算相當多。又是油封鴨腿?又是太陽蛋?(另文見「Duck & Waffle」),刻意揀油封鴨腿配椰菜花蓉太陽蛋($118)以作比較。擺盤有點隨意,太陽蛋亦煎得未夠漂亮,但始終只是工廈內的小餐廳,情有可原;加上用椰菜花蓉墊底鴨腿、配稍為煎香的椰菜花,算是有點小心思。有比較就有高低,只採用普通雞蛋,蛋黃未夠大隻,亦沒有香甜的楓樹糖漿配搭,味道道方面未能造成驚喜。鴨脾肉稍嫌薄身,鴨皮煎得未夠香口鬆脆;幸好鴨脾肉算甘香,亦沒有太硬、太乾身,肉汁仍然豐富。若果只論及油封鴨髀本身,已算幾好。香煎北海道和豚配洋薏米、燴野菜、黑蒜汁($158)煎至八成半左右,肉心呈少少粉紅。雖然沒有豚脂,少了油香,但肉味鮮甜、肉質柔軟無渣。配搭的蔬菜有蜜糖豆、蘑菇、炸蓮藕片,再加上洋薏米,西日配搭,充滿日式洋食風味。好可能只是一間由兩夫婦經營的小餐廳,但出品水準相當不錯,亦抵食。尤其想起10日前才在另一間以油封鴨髀馳名的餐廳食了一道差不多相同的菜式,但價錢卻相差一倍。當然,兩者無論賣相、鴨脾大細及味道皆有明顯高下之分,但綜合性價比考慮,「Boon」又的確幾吸引。 繼續閱讀
(以上食評乃用戶個人意見 , 並不代表OpenRice之觀點。)
9 0 後 的 味 蕾 .近期經常遊走觀塘區,因為係附近學沖咖啡🙈.觀塘最出名一定樓上舖,今次搵左呢間Cafe,裝修簡潔、走韓風路線、啱哂悠閑食野傾計-🔸油封鴨腿🐥薯條配忌廉咖喱醬 $118 👍🏻讚鴨腿煎到兩面都金黃色、皮咬落酥脆、肉質幾滑、食到一絲絲咁、鴨香味濃郁、配埋咖喱配忌廉秘製而成嘅咖喱醬、有日式甜咖喱味、好match.Side dish 有細切左既醃蘿蔔、酸酸地好神胃、薯條份量都好充足.🔸法式芝士奄列🍳配沙律 $88蛋好滑、蛋香味比芝士味強烈、芝士唔算好濃、唔會食到好濟、呢個啱我呢啲輕口味人士.🔸Earl grey Latte🍵伯爵茶味幾出位,個奶底係甜既,但飲完回味,個茶香就走哂出黎,先甜後微澀.🔸抹茶紅豆銅鑼燒配花生味雪糕🍨 👍🏻讚個花生醬雪糕超好驚喜,花生🥜味好出位、好香、唔會太甜、銅鑼燒暖粒粒、餡料係抹茶醬配紅豆粒、抹茶係日本茶粉個種微澀、正😄.價錢都抵,百零蚊,坐低食個Brunch,慢慢飲杯野,就可以同朋友舒舒服服吹下水 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-27
360 瀏覽
又是上班的午飯時間,這天在網上訂了這間餐廳,雖然距離公司有點遠,但網上評價不錯,所以和同事們一試。小店採用粉藍色調,裝修很夢幻,走少女風格,和店內的工廠大廈格局大相逕庭。餐湯:蘑菇湯跟餐的蘑菇湯有驚喜,吃得出粒粒的蘑菇沒有打得很碎,而且侍應也就在我們面前灑下黑胡椒,更香。餐飲雖然叫的是普通的凍檸茶,但這裏用的杯子比較有格調,不像在茶餐廳飲凍檸茶的感覺,高級咗。Mentaiko Mayonnaise Fries $48明太子醬薯條叫了明太子醬薯條大家分享,估不到份量這麼大,來到一大碟比主菜更大,我們三個人也吃不完。薯條是剛剛乍起的,滾燙熱辣,用手太燙那不起,只能用叉子吃,上面淋上明太子醬,美中不足是薯條沒有灑上鹽,只靠明太子醬有點單薄,如果有一些薯條沒有點到醬汁就不夠味。而且會有一部份薯條醬汁過多,另外一部份卻不夠醬汁的問題,可以建議店家醬汁分開上,這樣的話會比較食用方便。當然,賣相就沒有那麼美麗了。Hanger SteakBonito aged hanger steak with onsen tamagotchi on butter rice $168封門柳朋友叫的封門柳,牛柳份量很多,算是足料,朋友的評價是飯很好吃,配合溫泉蛋更是一絕,但牛柳就過熟了。Miso Congolese pasta $118辣味噌清酒煮蜆意大利麵另外的同事叫了清酒煮蜆意大利麵,看樣子不太辣,嗜辣的同事有點失望,味道普通。Seared tiger prawn pasta with creamy sea urchin sauce $128虎蝦海膽醬意大利麵我點的俯下海膽醬意大利麵,除了在頂上的那一隻發黑的蝦頭的是真正的虎蝦,其他伴碟的三隻蝦仁都只是雪藏的蝦仁,梳打粉𢲡得太勁,雖然很爽,但已經毫無蝦味。虎蝦的味道還可以,比較有蝦味也彈牙,但奈何成本的問題,只有一隻。意粉煮得不錯,軟硬適中,雖然一開始吃不到海膽的味道,但吃着吃着慢慢的也能夠感受到海膽的香味,雖然味道很含蓄,要慢慢品嚐才能吃出,但而這個價錢能吃到海膽的味道,也算是不錯了。Chocolate tart $18朱古力撻看得出小店已經有用心,先叮熱朱古力撻,然後再在上面灑上糖粉,令賣相更好,不過始終能吃得出雪味,保存的時候可以多包一個膠袋,這樣可以減少食材的雪味。 繼續閱讀
(以上食評乃用戶個人意見 , 並不代表OpenRice之觀點。)