黑門水產すいさん (棉登徑)

Finally有機會去試下聽咗好耐嘅黑門水產！店內裝修好有日式風味依度好得意，店員攞啲食物去燒之前會先送上檯比食客睇下燒之前個樣😂.／黑門令蟹味增甲羅燒／依個甲羅燒係必食item!🔥🔥🔥啲蟹膏、蟹子同鵪鶉蛋撈埋真係啖啖都超濃郁嘅蟹之享受！燒完之後放上紫菜消化餅食，再加啲炸蒜好有咬口一路食一路好貪心想要多幾塊消化餅配蟹膏食😝／牛油燒帆立貝／大大粒嘅帆立貝固然係主角，融合埋牛油同蒜香，係唔會輸嘅燒物。伴碟一齊燒嘅菇都好入味！／黑門令龍蝦湯煮海鮮／依個龍蝦湯好豐富，有蠔、八爪魚、芋絲、蝦、螺一碗湯可以食齊咁多海鮮個湯就算咁多海鮮齊集都唔會好鹹同朋友一齊清晒成碗😂／赤鬼海老天反卷／另一樣推介嘅食物！因為已經食咗魚生，所以就嗌咗依個天婦羅反卷啲明太子醬同蟹子份量毫不吝嗇一路食，除咗有天婦羅仲每啖都咬到粒粒蟹子好爽／三文魚油甘魚刺身／啲刺身好新鮮，亦好厚切，啖啖肉平時食油甘魚成日覺得無乜味，但依度嘅油甘魚係真係有魚味，又唔會腥！／玫瑰梅酒／大推！！！同朋友食日本嘢，點可以無返杯梅酒搭配。味道甜甜地又唔會太濃，好易入口！／海底之心／依杯啱晒打卡，味道係standard嘅cocktail鍾意cockt