影片
更多
2018-08-11
1705 瀏覽
今日幫人做阿四，要安排師傅裝抽油煙機、洗衣機同寬頻，忙到一頭煙，終於等到有人放工。小鬼非常貼心，見我忙咗一日，說要帶我去香港單車館公園行下，散散步，順便喺嗰度食晚飯。其實早兩日先啱啱睇完食友篇文章，介紹單車館入面嗰間「牧羊少年咖啡館」，見餐廳環境唔錯，食物亦很吸引，所以已即時將這間咖啡館放咗喺 wishlist，仲諗住擇日到訪，估唔到咁快就可以心想事成。由於這晚天公不造美，外面下著滂沱大雨，沒法到公園一遊，所以到埗後，先躲進單車館四處逛逛，然後再去用餐。據知店子是一間集結旅遊、文化和社福為主題的咖啡館，現有六間分店，分別位於尖沙咀、沙田、葵青劇院、太子、荃灣大會堂及香港單車館。店內地方頗大，樓底甚高，檯與檯之間闊落，坐得舒服，加上落地大玻璃，分外開揚。細看裝潢，牆身掛有單車作裝飾，場內設有直立書櫃，上面放滿了各式旅遊書籍及雜誌，另外框架亦釘滿了世界各地特色的裝飾品、明信片等，加上一室昏黃燈光與家俱的襯托，整體令人感覺溫暖。Café 採半自助形式，客人可以先細閱餐牌，然後去柜檯落單，店員隨後會將食物逐一送上。另外杯碟、調味料同開水等，就需要自己去自助區自行提取。先細閱餐牌，項目包括有二人
由於這晚天公不造美，外面下著滂沱大雨，沒法到公園一遊，所以到埗後，先躲進單車館四處逛逛，然後再去用餐。
據知店子是一間集結旅遊、文化和社福為主題的咖啡館，現有六間分店，分別位於尖沙咀、沙田、葵青劇院、太子、荃灣大會堂及香港單車館。店內地方頗大，樓底甚高，檯與檯之間闊落，坐得舒服，加上落地大玻璃，分外開揚。細看裝潢，牆身掛有單車作裝飾，場內設有直立書櫃，上面放滿了各式旅遊書籍及雜誌，另外框架亦釘滿了世界各地特色的裝飾品、明信片等，加上一室昏黃燈光與家俱的襯托，整體令人感覺溫暖。
Café 採半自助形式，客人可以先細閱餐牌，然後去柜檯落單，店員隨後會將食物逐一送上。另外杯碟、調味料同開水等，就需要自己去自助區自行提取。先細閱餐牌，項目包括有二人套餐「雙雙對對」、適合四人享用的套餐「大吃四方」、沙律、主食、單點美食、精選薄餅、扒類、甜品、咖啡、茶及飲品等。
揀了一客小食，兩個主菜同一款甜品。先嚟嘅迷你竹炭三式漢堡 ($54)，外形非常精緻，小巧的骰，加上烏卒卒的外貌，賣相吸睛。混入了竹炭粉的漢堡包，分別夾了煙三文魚、炸蝦同巴馬火腿。竹炭包微微烘過，食落香脆，沒有炭味，質感頗細膩。每個包入面都配咗唔同嘅醬料，好似煙三文魚就伴以蜜糖芥末，而炸蝦就配咗千島醬。至於巴馬火腿就塗上牛油果酸忌廉醬，食落鹹香味非常突出，配搭具創意得嚟仲好有心思。
主食方面，點了車打芝士汁鮮蝦意大利粉 ($72) 同新加坡咖哩豬扒配香米飯各一。意粉賣相非常靚仔，色澤黃澄澄，面頭鋪滿蝦隻，鮮艷奪目。麵條口感甚佳，煙韌得來又有嚼勁，而且芝士汁稀稠度亦剛好，緊緊掛在每條意粉上，食落完全不覺膩滯，加上彈牙的鮮蝦，令鮮味進一步提升，配搭美味！
新加坡咖哩豬扒配香米飯 ($66)，水準亦不俗，豬扒非常之大塊，肉質鬆軟，充滿肉汁，咖哩汁味道比起印度咖哩溫和，滿口甘味，但又無日式咖哩嘅溫吞，反而帶陣陣香料嘅香氣，配豬扒吃非常惹味。
甜品選了日落巴黎 ($75)，成品包括有四件原味窩夫、兩球朱古力雪糕同新鮮切片香蕉，中間配有朱古力醬及忌廉。窩夫烘得非常香脆，色澤金黃，咬開內裡軟熟，蛋香味十足，沾點朱古力醬，挺好吃。雪糕朱古力味濃郁，入口順滑又唔甜，配外香脆內鬆綿的窩夫吃，味道一流，推介愛吃窩夫嘅朋友一嘗！餐廳環境非常正，既闊落又舒服，確實是旅遊愛好者聚腳的好地方，很適合一班朋友到來 Plan 行程，如果未決定旅遊地點，也可以來邊歎咖啡，邊找旅遊靈感。
張貼
