稻菊日本餐廳 (已結業)

由於怕熱氣，所以冇叫鐵板燒同天婦羅！好耐冇食鰻魚，見到有鰻魚定食$230，就想試下，我好奇問侍應：“你地啲鰻魚邊度黎？”佢答“中國鰻魚”我就話“我試過食過啲中國鰻魚多骨又皮厚喎！”咁佢再重複一次：“我地用中國鰻魚！”唔可以話佢講錯，但係作爲五星級酒店係米可以答得有技巧兼專業啲呢，例如：我地雖然用中國鰻魚，不過好多客人食過都話好食，比起重複產地更有水準！ 爲左想試下稻菊會唔會用劣質貨，都係叫左鰻魚定食！定食有沙律，車厘茄雪到太凍，凍到牙痛！而千島醬另上會好啲！定食賣相吸引，醋鰻魚有新意，鰻魚蛋卷較淡囗，蒲燒鰻魚夠林唔多骨，燒得啱啱好，完全唔係超市貨色，食食下有啲膩，好在醋鰻魚下面有D 醋海帶可以中和肥膩的感覺，可見配搭花心思，值得一讚！甜品係生果，同樣好凍，如果好似嵯峨野可以揀雪糕就更好！至於店內環境較焗促，梳化位冷氣好凍，好多人客一坐低就要調位，後來佢地調較左部冷氣就好好多，其實冷氣過凍的問題響四季稻菊都出現過！食完埋單，侍應一個小動作令五星級服務扣分！通常酒店食肆的侍應會將底單摺好連同信用咭及持咭人存根“雙手”交比我，但係佢竟然單手遞張信用咭及持咭人存根比我，冇意識摺張底單比我