小茶角 (啟豐商場) (已結業)

10月10日雙十節，小茶角比起平時仲更加多人，好彩我哋12點到，仲有位。好，睇吓有咩好食先。牛魔王，成塊牛肉漢堡係裡面，絕對唔講得笑，加埋蕃茄芝士，香脆既牛角包外殼，咬落去，漢堡級滋味！屯門牛，煎香左嘅煙肉，加埋蘑菇、芝士、番茄，滿滿既餡料，牛角包暖笠笠又鬆脆。薯角新鮮滾熱辣炸起，外皮又薄又脆，薯仔肉夠腍又唔乾。雪山朱古力，個cream好幼滑，朱古力味濃郁得來唔太甜。宇治抹茶拿鐵，抹茶同牛奶味啱啱好，啱晒抹茶控。