影片
更多
2022-11-08
36 瀏覽
📍Lab Eat Bistro💛 - #YFF旺角💎【牛魔王最愛🐮 廚師發辦精選美酒牛扒盛宴🥂】日式 Omakase就聽得多，唔知大家又試過西式嘅牛扒omakase未呢？😎 今日黎到呢間位於旺角鬧市走工業風路線嘅良心創意西餐廳💛 餐廳秉承店名Lab eat concept，加入實驗精神炮製出各種玩味料理衝撃味覺。最近餐廳推出steak omakase，以一個相宜價錢就可以試到幾款大廚推介嘅高質牛肉，仲包埋前菜同埋甜品添🍴提提大家，想試這個牛扒omakase套餐記得提早一日預訂～❝Steak Omakase❞ — $480 per head (+$188 wine pairing)➤ Starter - 帶子刺身薄片配青蘋果擺盤精緻優雅，切成薄片嘅北海道帶子刺身，配上清甜爽脆嘅青蘋果，味道鮮美又帶出幾分清爽。蘸埋酸酸甜甜嘅綠洋蔥姜醬一齊食，味道更加豐富有層次，整體非常清新開胃。➤ Starter -薯蓉泡泡流心溫泉蛋餐廳巧妙咁用咗分子料理嘅方法處理呢道前菜，將薯蓉製成質感輕巧嘅泡泡，裡面再包住一隻流心蛋，蛋汁撈埋薯蓉嘅口感非常綿滑，加埋灑喺面頭嘅檸檬皮、煙肉粒同埋麵包碎，口感同香氣都非常
【牛魔王最愛🐮 廚師發辦精選美酒牛扒盛宴🥂】
日式 Omakase就聽得多，唔知大家又試過西式嘅牛扒omakase未呢？😎 今日黎到呢間位於旺角鬧市走工業風路線嘅良心創意西餐廳💛 餐廳秉承店名Lab eat concept，加入實驗精神炮製出各種玩味料理衝撃味覺。最近餐廳推出steak omakase，以一個相宜價錢就可以試到幾款大廚推介嘅高質牛肉，仲包埋前菜同埋甜品添🍴提提大家，想試這個牛扒omakase套餐記得提早一日預訂～
❝Steak Omakase❞ — $480 per head (+$188 wine pairing)
➤ Starter - 帶子刺身薄片配青蘋果
擺盤精緻優雅，切成薄片嘅北海道帶子刺身，配上清甜爽脆嘅青蘋果，味道鮮美又帶出幾分清爽。蘸埋酸酸甜甜嘅綠洋蔥姜醬一齊食，味道更加豐富有層次，整體非常清新開胃。
➤ Starter -薯蓉泡泡流心溫泉蛋
餐廳巧妙咁用咗分子料理嘅方法處理呢道前菜，將薯蓉製成質感輕巧嘅泡泡，裡面再包住一隻流心蛋，蛋汁撈埋薯蓉嘅口感非常綿滑，加埋灑喺面頭嘅檸檬皮、煙肉粒同埋麵包碎，口感同香氣都非常豐富，味道幾惹味(⁎⁍̴̛ᴗ⁍̴̛⁎)
➤ Main - 廚師發辦牛扒拼盤
·美國穀飼牛冧扒
呢個部位即係牛臀肉位置，牛味濃郁，肉味幾重，口感較為結實。
·美國穀飼牛腰扒
牛腰肉係連接⻄冷及臀部嘅位置，脂肪含量較低，肉質軟腍，入口鮮嫩多汁，肉味較上一款牛香濃。
·澳洲穀飼M5西冷和牛
呢款黎自澳洲嘅和牛油肪分佈均勻，呈大理石花紋，輕輕一嚼，油香就喺口中爆發。食落鮮嫩多汁，肉味同油香呈絕妙平衡，個人認為係三款入面最好食！
➤ Sides - 意式香草烤新薯及田園沙律
田園沙律簡單用上沙律菜、車厘茄，再加入意大利黑醋汁拌勻，食落酸甜清爽，解膩一流。至於烤新薯嘅味道都非常唔錯，口感綿滑扎實，味道帶點香草味幾惹味。
➤ 法式迷你檸檬撻
食完咁多牛，相信大家呢個時候唔多唔少都會覺得有啲油膩，呢款清新開胃嘅甜品簡直就係沙漠中嘅甘露(≧◡≦)。檸檬撻皮質感鬆脆得黎又唔會散收收咁，檸檬餡料味道清新，入口輕盈幼滑，作為呢餐嘅飯後甜品真係一流！
➤ Louis Roederer Collection 242 NV, France
呢款係俄國沙皇及英國皇室御用香檳品牌。
飲落帶啲香梨、桃、烘烤果仁同白花香氣，味道清爽又開胃，非常易入口。
➤ Columbia Crest Reserve Cabernet Sauvignon, Us
至於呢杯紅酒都好猛料，喺2009年榮登《葡萄酒鑒賞家》雜誌「年度百大佳釀第一名」。入口帶奔放嘅黑莓、黑提子、濃黑朱古力味，仲有淡淡的黑胡椒香氣，餘韻悠長，酒香氣停留喺口腔久久不散。
張貼
