影片
更多
2019-03-25
45 瀏覽
小編一直都係牛魔王，同朋友去一試呢間牛繁，換黎既係一份驚喜!牛舌係小編最鍾意食既部位之一，點左蔥燒鹽香牛舌黎試試，牛舌牛味十足，燒完後可按自己喜好加上蔥花黎食。牛肉加蔥花～真係一大享受，另外有厚切版牛舌，留返下次再黎既時候試！再黎係特上牛胸腹肉，大大碟加上見到上面既醬汁，已經非常開胃，放上去爐燒既時候，肉汁更係燒到炸炸聲，未食已經聞到果陣香味。食落肉質鮮嫩，絕對唔會輸比其他連鎖燒牛肉店！終於到戲肉壺漬牛肋條，成條牛肋條放上爐都差少少放唔晒。先燒到半熟，再剪開細細粒繼續燒，燒完就咁食又得，加少少蔥花食亦得，一個字—掂！雖然牛繁話明係食牛，但小編同友人唔會淨係叫牛咁寡既。小編揀左嚴選櫻姬雞腿肉，而友人就揀特選豬頸肉，一雞一豬。雞腿肉好足料，又燒到出晒油，好邪惡，等小編食落肚收拾佢先得。豬頸肉都係出晒油，但相比起其他燒肉店，呢到既豬頸肉唔算韌，好易咬開，喜歡豬頸肉既朋友絕對唔可以錯過。食左咁多肉，口都乾埋，係時候點飲品。飲品有好多選擇，可惜友人揸車無得飲酒，小編又唔想一個人飲悶酒，於是各自點左一杯梳打。小編偷偷試左友人點既柚子梳打，比起小編點既巨峰提子梳打好飲少少，但味道同市面上其他既梳打差
小編一直都係牛魔王，同朋友去一試呢間牛繁，換黎既係一份驚喜!
牛舌係小編最鍾意食既部位之一，點左蔥燒鹽香牛舌黎試試，牛舌牛味十足，燒完後可按自己喜好加上蔥花黎食。牛肉加蔥花～真係一大享受，另外有厚切版牛舌，留返下次再黎既時候試！
再黎係特上牛胸腹肉，大大碟加上見到上面既醬汁，已經非常開胃，放上去爐燒既時候，肉汁更係燒到炸炸聲，未食已經聞到果陣香味。食落肉質鮮嫩，絕對唔會輸比其他連鎖燒牛肉店！
終於到戲肉壺漬牛肋條，成條牛肋條放上爐都差少少放唔晒。先燒到半熟，再剪開細細粒繼續燒，燒完就咁食又得，加少少蔥花食亦得，一個字—掂！
雖然牛繁話明係食牛，但小編同友人唔會淨係叫牛咁寡既。小編揀左嚴選櫻姬雞腿肉，而友人就揀特選豬頸肉，一雞一豬。雞腿肉好足料，又燒到出晒油，好邪惡，等小編食落肚收拾佢先得。豬頸肉都係出晒油，但相比起其他燒肉店，呢到既豬頸肉唔算韌，好易咬開，喜歡豬頸肉既朋友絕對唔可以錯過。
食左咁多肉，口都乾埋，係時候點飲品。飲品有好多選擇，可惜友人揸車無得飲酒，小編又唔想一個人飲悶酒，於是各自點左一杯梳打。小編偷偷試左友人點既柚子梳打，比起小編點既巨峰提子梳打好飲少少，但味道同市面上其他既梳打差別不大。
淨係食肉怕唔夠飽的話，可以學小編咁叫個大人氣！霧島溫泉蛋飯。撈勻左溫泉蛋、飯素、紫菜既珍珠米，就咁食已經好好味，配埋燒肉就一流！
小編已經約定友人下次再黎食燒肉，但要等小編減一減肚腩先，因為呢到燒肉實在太吸引，忍唔到口食到肚腩仔出晒黎，大家記得預留quota先去食啦～
張貼
