影片
更多
2016-06-26
1653 瀏覽
仲記得年少時望住間知名日本吉列店，望住個百幾蚊嘅吉列豬扒飯，盛惠百多元。感覺總係戇居同嫌錢腥，大家吉列豬扒，為乜要貴4倍？當然由小弟入過去幫襯第一次後，就返唔到轉頭。自此後我確信有啲野貴係有佢道理，今日嚟到呢間百幾蚊個牛肉麵，又有乜特別呢？至尊手切牛肉麵，盛惠168大元，有乜特別？用左火鍋手切肥手常用嘅牛脊，再加上牛冧。牛脊唔洗多解釋，有牛味之餘帶有油花同比較焾身。牛冧又咩嚟呢？有人形容係股尖，有人形容係大髀對上。係乜嚟，無所謂啦，好食咪得囉。牛冧食落有咬口得多，但又唔會覺得韌，𡁻落好有牛味。湯底有黑白之分，當然黑湯就係牛湯嚟。飲落濃而不燥，食得牛肉麵無理由唔配黑湯。麵質有啲似日式拉麵，偏幼而彈牙。保充多點，牛肉係有得揀全熟或者半生，個人覺得要食到牛肉應有嘅質感，點都要點半生。呢個黑鹵水牛雜真係只應天上有不時食新鮮牛雜只有一個字，韌！係有鮮味，但真係好難鹵得焾。呢度嘅牛雜有腩，腸，肚，筋。腩反而最唔吸引，可能部份唔夠靚。肚主要係毛肚為主，焾得嚟口感結實，唔會鬆鬆散散。腸係最為吸引，因為牛腸真係可以好韌，但佢呢度做到好似豬牛腸咁。當然係一啲膻味都無，食落有啲彈牙但又好易𡁻，最緊要佢又夠厚
感覺總係戇居同嫌錢腥，大家吉列豬扒，為乜要貴4倍？
當然由小弟入過去幫襯第一次後，就返唔到轉頭。
自此後我確信有啲野貴係有佢道理，今日嚟到呢間百幾蚊個牛肉麵，又有乜特別呢？
至尊手切牛肉麵，盛惠168大元，有乜特別？用左火鍋手切肥手常用嘅牛脊，再加上牛冧。
牛脊唔洗多解釋，有牛味之餘帶有油花同比較焾身。
牛冧又咩嚟呢？有人形容係股尖，有人形容係大髀對上。
係乜嚟，無所謂啦，好食咪得囉。
牛冧食落有咬口得多，但又唔會覺得韌，𡁻落好有牛味。
湯底有黑白之分，當然黑湯就係牛湯嚟。
飲落濃而不燥，食得牛肉麵無理由唔配黑湯。
麵質有啲似日式拉麵，偏幼而彈牙。
保充多點，牛肉係有得揀全熟或者半生，個人覺得要食到牛肉應有嘅質感，點都要點半生。
呢個黑鹵水牛雜真係只應天上有不時食新鮮牛雜只有一個字，韌！
係有鮮味，但真係好難鹵得焾。呢度嘅牛雜有腩，腸，肚，筋。
腩反而最唔吸引，可能部份唔夠靚。
肚主要係毛肚為主，焾得嚟口感結實，唔會鬆鬆散散。
腸係最為吸引，因為牛腸真係可以好韌，但佢呢度做到好似豬牛腸咁。
當然係一啲膻味都無，食落有啲彈牙但又好易𡁻，最緊要佢又夠厚身。
筋有啲會痴住少少肉，咬落有少少黏口，好彈牙，鹵水又夠入味。
黑鹵水本身味濃而不咸，食成碟都唔怕會過火。
食碗牛肉，加碟牛雜，三百幾埋單。
抵唔抵就見人見智，但如果你搵唔到第二間可以食到，咁係咪抵佢收你呢個價呢？
而且好老實，牛切鮮肥牛一啲都唔平，收你百幾蚊碗，又比得返咁多料你，其實抵添啦！
張貼
