文記車仔麵 (福榮街)

營業中

休息中

電腦節去黃金行下先，行下好快肚餓，過對面呢間”文記車仔麵”食啦。坐低好有幼稚園返學嘅感覺，大家排排坐對住牆，坐得好迫好迫。填張卡紙點咗兩個餸，有我最鍾意食嘅牛膀，難得呢度有得食，再加埋個牛孖筋，健康d食米粉。牛膀好”林”，鞋鞋地又綿綿地感覺好正。牛孖筋好”林”好入味，骨膠原豐富呀。兩味餸吸曬啲腩汁精華。食個米粉飽飽再飲杯凍檸樂，好爽好爽。今次食車仔麵，竟然唔口渴，真係真材實料冇味精，食完又去電腦節再睇有無平嘢買。