616牛肉火鍋專門店 (皇后大道西)

營業中

休息中

之前聽過616牛肉火鍋係專食牛肉，見到唔同牛既部位都覺得非常新鮮。最近開左分店係西環，咁當然即刻要去試下啦。同朋友先嗌左個鴛鴦湯底，一邊係清湯牛骨，一邊係青花椒，就咁睇都知辣到飛起。知道616有同麥子啤酒合作，即刻叫左四支原漿啤酒，細細支幾精緻，入口淳淡，唔錯。跟住當然不停叫牛肉食啦，由於叫左先知碟牛係咩樣子既關係，所以都係亂咁叫。可以話每一種牛肉既口感都唔同，只要跟住檯紙上面既建議秒數去煮就啱曬。下面就係叫左既咁多款牛肉，以分量黎講價錢都相宜，食落每種都各有特色。橫膈肌有唔少既筋膜，食起上黎十分彈牙，同平時既牛肉唔同。呢碟滑尾龍係我自己比較鐘意，佢附上生蛋一隻，混合之後變成蛋漿，煮好之後口感滑嫩。最後叫左呢個牛肉餃子，牛味超濃郁，食埋就夠曬飽肚。