丸十あぶり牧場 (已結業)

自從禁咗晚市堂食，越黎越多餐廳提供外賣優惠。星期六係Moko經過呢間餐廳，見到佢既餐牌都幾吸引，其中最想試個極上牛柳三文治，可惜已經就快6點，唔想趕頭趕命咁食dinner，加上外賣當日有7折優惠，就叫咗個三文治外賣。極上牛柳三文治 (原價$158，7折後$111)始終外賣，拎到番去個麵包皮就俾個盒焗到林咗小小，如果堂食就應該麪包皮會脆身啲。牛柳處理得岩岩好，唔係和牛所以冇入口即溶，不過牛味重而且都唔韌，醬汁係芥末味，夾得都幾好。可以以7折試到呢個三文治，都算真係幾抵。