香港冰室 (已結業)

太子真係有幾間唔錯嘅冰室，今次又有新嘅發現，香港冰室。一入到去就有一種懷舊嘅感覺，長嘅吊燈，沙發卡位，同牆身掛滿惜日香港嘅相片，環境真係不錯。食物方面，牛扒可任配薯菜或飯，份量都好大。而塊牛扒質素好高，雖然落order時無話比你點幾成熟，但煮到出黎真係出乎意料，肉質好鮮嫩，彈牙得黎係唔會林。除左肉質好之外，味道都還好，洋蔥混黑椒味，你話特別又唔算特別，但質感搭救，值得一試。另外叫左個下午茶，兩點半後減十蚊喔。火腿奄列同豬仔包都唔錯，蛋唔會過熟，仲食到蛋汁，豬仔包其實點整都好食架啦，所以無謂一講。但重點嘅瑞士雞翼撈麵其在令人在點兒失望。公仔麵好林，而家撈麵嘅醬都無撈均，雞翼都無乜奄到，食左幾啖已經無乜興趣再食落去，可能先食撈麵愛好點。