Shari Shari Kakigori House 氷屋 (已搬遷) 新店位置

今日在中環食完午餐後，口淡淡想食甜品。諗起喺韓國食到好好食嘅刨冰,於是搵到呢間朋友推薦嘅大大份刨冰。刨冰種類都幾多。很多味道都很吸引例如熱門的培茶和抹茶味都想試。還有其間限定的菠蘿椰子味。最後我哋都係揀咗草莓Special 配北海道牛乳奶凍$98再加$48有蕨餅。刨冰一上枱我哋就忙着拍照打卡。因為實在太美啦。擺放得高高像一座山的粉紅色刨冰完全滿足我的少女心店內都有告示提醒建議在1分鐘之內拍照，以免冰溶解。我們快手地拍了幾張相便開餐了。刨冰口感係入口即溶。不會有碎冰感。而草莓味食落就似韓國士多啤梨牛奶味的味道，很濃味很喜歡！$98呢個價錢都幾抵我哋三個人食剛剛好！蕨餅味道正常，如果有其他味選擇會更好。因為不太喜歡黃豆粉。總括而言十分滿意這家的刨冰，下次會來試其餘的味道。