越男仔

營業中

休息中

🎀越男仔⭐手撕雞檬紙卷⭐牙車快沙律⭐招牌無骨雞配黃薑飯⭐胡志明市紅蕃茄四寶湯檬粉（豬扒、豬頸肉、脆豬肉、扎肉）⭐香蒜雞翼 自從見過一個好出名嘅 Youtuber介紹過越男仔之後, 就一直對呢間餐廳好有興趣。今日路過旺角, 見到冇咩人排隊, 就決定去試一試啦! 餐廳嘅裝修都幾有趣嘅, 好有越南風情、又有少少搞gag feel。至於menu 真係令人眼花撩亂, 超級多嘢食同選擇呀! 因為我啱係中午時候去食, 所以就同朋友一齊叫咗兩個lunch set share。首先前菜我哋叫咗手撕雞檬紙卷同牙車快沙律, 主菜我哋就叫咗招牌無骨雞配黃薑飯。呢個套餐入面我覺得最surprise嘅係牙車快沙律, 雞絲配上新鮮蔬菜, 只需要輕輕嘅調味就覺得超好食呀! 至於另一個套餐, 我哋叫左紅蕃茄四寶湯檬粉, 蕃茄湯超級濃郁, 濃過好多出名蕃茄湯底嘅米線餐廳。個湯令我忍唔住食一啖粉、飲一啖湯、食一啖餸又飲一啖湯呀!  佢嘅配菜方面, 我覺得豬頸肉同脆豬肉最好食, 因為佢哋本身比較爽口, 就算係蕃茄湯入面浸咗好耐佢仲係脆卜卜, 好食! 最後仲加左個小食同朋友share, 個香蒜雞翼嚟到嗰陣時畀佢個size嚇親,