北京樓 (星光行)

營業中

休息中

撞啱信用卡有優惠，所以就去咗北京樓食飯， 見到有唔少套餐優惠，不過變咗信用卡冇優惠，所以都係直接單點就算，一場嚟到北京樓，當然試佢哋嘅片皮鴨，再加多個鴨架湯 。問過侍應侍應，都話夠兩個人食所以就嗌住先。等咗大概15分鐘就有片皮鴨，上菜嘅時候見到擺盤好精美，而且醬，青瓜同埋蔥絲都配得好足。而皮就會用蒸點心嘅紙隔開每一塊皮，等佢哋唔會黐埋一齊。不過食到一半啲皮已經食曬，就有少少唔夠喉。湯都有好多菜同埋鴨肉喺度，不過湯嫌唔夠濃味，如果有更多鴨肉就好。