影片
更多
2024-12-13
291 瀏覽
很久之前朋友推介過新蒲崗的爸B燒手作串燒，記下了名字之後一直未有機會去食，反而有一日突然間喺尖沙咀寶勒巷見到呢間餐廳，Google下先發現原來係新蒲崗本店的新分店。呢排雖然人人都講屯門鳥貴族，想跟潮流，但係地點太遠，近近地食呢間先。價錢相宜的香港串燒店唔算好多間，比較地道開咗數間分店嘅好燒式外，另外還有中環尖沙咀幾間貴價名店當然不用多說，再如大角咀嘅夜見燒鳥同從前太子的隱町係水準高但係價錢貴，爸B燒呢間食完的確覺得味道有啲驚喜之餘，價錢都係合理，有幾個菜式都令我諗起以上呢幾間名店，我覺得都幾成功。佢唔係以港式串燒做主題，反而話自己係泰式串燒，我發現佢同九龍城嘅泰式串燒又有少少距離，風格係兩者之間，不過最緊要都係味道對辦。新張期間，佢嘅海蝦只係$8串，呢個絕對要點，本身以為可能做優惠嘅貨未必係最好貨色，但係食落去都知道係勁新鮮嘅蝦，呢個一定要點，不過每日限量200串，先到先得。當晚叫咗燒蟶子同燒蠔，食完海蝦之後再試呢兩隻海鮮就一定要讚吓佢處理海鮮嗰個水準真係拿捏得好好，而且味道又唔算好濃，真心值得欣賞。店員推介佢哋嘅雞翼、燒田雞、仲有燒豬仔脾，肉類嘅處理都做得唔錯，再同店面傾多啲佢哋餐單
價錢相宜的香港串燒店唔算好多間，比較地道開咗數間分店嘅好燒式外，另外還有中環尖沙咀幾間貴價名店當然不用多說，再如大角咀嘅夜見燒鳥同從前太子的隱町係水準高但係價錢貴，爸B燒呢間食完的確覺得味道有啲驚喜之餘，價錢都係合理，有幾個菜式都令我諗起以上呢幾間名店，我覺得都幾成功。
佢唔係以港式串燒做主題，反而話自己係泰式串燒，我發現佢同九龍城嘅泰式串燒又有少少距離，風格係兩者之間，不過最緊要都係味道對辦。
新張期間，佢嘅海蝦只係$8串，呢個絕對要點，本身以為可能做優惠嘅貨未必係最好貨色，但係食落去都知道係勁新鮮嘅蝦，呢個一定要點，不過每日限量200串，先到先得。
當晚叫咗燒蟶子同燒蠔，食完海蝦之後再試呢兩隻海鮮就一定要讚吓佢處理海鮮嗰個水準真係拿捏得好好，而且味道又唔算好濃，真心值得欣賞。
店員推介佢哋嘅雞翼、燒田雞、仲有燒豬仔脾，肉類嘅處理都做得唔錯，再同店面傾多啲佢哋餐單後更了解咗佢嘅餐牌，佢有好多特別嘅泰式菜式，例如生菜包、香辣蜆同泰式鳳爪，我們選了香辣蜆，上枱一個客真係好香好食好打卡，可惜我們得兩個人，如果唔係一定會試佢其他泰式菜式。
雞腎燒得好好，那種質感完全像日式串燒店嘅出品。
另外點了茄子、椒鹽粟米加翠玉瓜，食落去又以為自己去咗澳門街邊嘅串燒店，想起那間華麗串燒和大排檔，可見呢間串燒店集多間食肆之大成，不過去到後面肥牛湯烏冬有少少跌watt，普通左少少。
整體都滿意，最重要係而家分店喺尖沙咀，方便得多，而且價錢親民，可能大家將眼光呢排都放在屯門嘅鳥貴族，但係如果你喺九龍區，不妨都支持吓呢啲小店。
張貼
