SAVVY

今個父親節帶咗爸爸去尖沙咀 SAVVY 食自助餐，餐廳環境好闊落，裝潢時尚，服務員清碟效率亦好高，用餐體驗唔錯。講到最吸引，一定係凍海鮮區，長腳蟹、龍蝦、青口、翡翠螺全部都新鮮，啲蟹腳肉質彈牙，龍蝦都甜，冇雪味。當日每位仲送一客芝士焗龍蝦，啲芝士焗到金黃，龍蝦肉嫩滑，芝士味香濃。頭盤有幾款泰式沙律，味道清新，開胃得嚟又唔會太辣，啱晒夏天食。刺身區，有紅鯛魚、三文魚、八爪魚、吞拿魚、甜蝦、帶子、油甘魚，全部切得厚切，好新鮮，特別係帶子同甜蝦，超鮮甜。仲有壽司，不過款式不算多 熱葷選擇都好豐富，蝦意粉配芝士番茄醬啲蝦好彈牙，意粉掛晒醬汁，芝士味好突出。鮑魚、牛柳、鴨肝多士都好高質，牛柳軟腍，鴨肝多士脆卜卜，鮑魚細細隻但夠味。白汁芝士焗西蘭花好creamy，泰式烤豬頸肉燒得香口，韓式炸雞外脆內嫩，幾有驚喜。仲有冬瓜豆卜炆火腩，啲火腩肥瘦適中，仲有即煎三文魚扒同火腿👍冬陰公湯味道都好正，必飲飲品方面有韓國飲品同膠囊咖啡，咖啡配甜品好正。最鍾意泰式珍多冰，可以自己加紅豆、仙草、西米珍珠，再加椰奶。甜品區都好吸引，有芒果糯米飯、泰式千層糕、三色甜點、泰式蛋糕、芝士蛋糕，全部都唔會太甜，啱晒香港人口