HAND3AG (朗豪坊) (已結業)

主打韓式爆餡三文治嘅Hand3bag開業之後一直都好想試試，見到唔同配搭嘅吐司夾住滿滿配料真係幾吸引🤩今次終於的起心肝，嚟到旺角朗豪坊分店，餐牌選擇比想像中多，韓式、日式、英式甚至港式元素嘅吐司都有👏🏻👏🏻另外仲有小食、唔同口味shake shake薯條，水果吐司、焗薯、salad bar、沙冰等，可以同吐司搭配做一個極盡邪惡既套餐😈😈春川辛辣鐵板三文治配料好豐富😍😍有韓式春川辣炒雞、天婦羅甜薯、熔岩芝士、脆生菜、韓式辣味噌蛋黃醬、俄式蛋黃醬，醬汁唔算好辣，比較惹味，並非只得傳統韓式辣醬嘅味，而係帶點類似是拉差嘅味🤣雞肉份量多，幾喜歡甜薯，好粉糯，仲有啲煙煙韌韌好似年糕嘅配料係底，增添口感層次😙但係吐司可以再脆口啲。脆脆芝士蝦球有啲驚喜😋😋估唔到細細粒蝦球居然收埋長長嘅拉絲芝士，口感外香脆內爽彈，🦐蝦味竟然好新鮮好突出，值得試下👍🏻👍🏻日本白桃乳酪沙冰睇住店員將好大個🍑白桃同乳酪放入攪拌機，白桃味好天然好香甜，非常清爽，而且大杯到一個點🤪🤪人均消費：$90推介指數（10分為滿分）：8分