282
12
5
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
營業時間
星期一至日
12:00 - 20:45
以上資料只供參考, 請與餐廳確認詳情
相關文章
放工去咗朗豪坊買外賣。佢哋啲食物即叫即整,所以熱辣辣,我哋啲外賣攞到返屋企都係暖的😌我哋4個人叫咗以下5樣嘢:✅遊日懶人鐵板三文治🥪$73裡面係吉列和牛漢堡加帆立貝。漢堡同帆立貝都好大舊,配他他醬同蛋黃醬好濃味。✅慢調斯理食肉獸鐵板三文治🥪$58用咗墨西哥辣椒醬,所以有少少辣。配上大量嘅手撕豬肉,生菜同蕃茄🍅,啱唒鐘意食肉嘅人之外,又唔會太滯,balance番。✅芝士🧀吉列魚柳pizza風忌廉醬焗螺絲粉$68螺絲粉有香濃嘅蕃茄🍅味,魚柳都唔細條,份量足夠2個人share。✅芝士🧀燒豬扒蘋果醬焗飯$78呢個幾特別,有蘋果味嘅焗飯真係第一次食。有2塊無骨豬扒,仲有洋蔥🧅同菠蘿一齊焗,幾清新,唔錯。✅脆煙肉🥓碎酸忌廉焗薯🥔$48有大量酸忌廉同煙肉碎,如果1個人食都幾飽肚。我哋建議三文治最好堂食,拎到返屋企因為倒汗水嘅關係,啲包淋咗🥲溫馨提示:佢哋唔收八達通㗎,不過cash,Alipay,PayMe 同信用卡都可以😊
繼續閱讀
出開旺角朗豪坊買嘢,又唔太餓,搵咗呢間輕食😬呢間餐廳menu 好多款式,最出名就係鐵板三文治🤗天氣咁熱又唔想食飯就啱哂啦😝1. 咕嚕咕嚕脆雞鐵板三文治 ($62)他他醬同奇妙醬嘅配搭好開胃😋仲有燒菠蘿好甜好juicy🤤另外有番茄,配埋塊嫩滑脆雞扒,好有層次😎2. 日本蛋沙律焗薯 ($48)日本蛋沙律好足料,好香好滑🥰同焗薯係絕配🤩3. 自家製蟹肉忌廉餅($38)呢個忌廉餅好有驚喜,外層炸到超脆😋中間個蟹肉忌廉,蟹味好濃,d cream打到好滑4. 西瓜蘆薈檸檬特飲($38)西瓜同檸檬好夾,好fresh🤩酸酸甜甜,夏天飲啱哂😎5. 日本白桃乳酪沙冰($42)最鍾意日本桃😍見到呢杯沙冰唔可以唔叫🤭唔係太甜,又係酸酸甜甜,消暑一流😬
繼續閱讀
放工後約了同事逛逛街, 朗豪坊最方便, 旺角地鐵站直上, 落雨也不怕.行經 B2, 看見 HAND3AG, 店鋪的 Poster 好吸引, 食物種類多, 大家決定在此先醫肚. 芝士 , 好喜歡 !同事負責搵位, 我去 counter 落單, 超級合作. 食物即叫即制, 等候期間, 發現食堂有內置自助洗手機, 大家可以先洗手才進食. 衛生又方便.還有自助飲水. 叫號器亮燈了, 可以取餐. 我取了自家手切炸薯條 及 奧利奧沙冰. 薯條 炸得好香脆, 沾些茄汁, 美味. 奧利奧沙冰, 用上世界知名 Oreo餅製, 朱古力味香濃, 屬美味消暑沙冰. 同事也一取了 奧利奧沙冰和 脆煙肉碎酸忌廉焗薯. 脆煙肉碎酸忌廉焗薯, 焗薯熱辣辣, 薯香味濃, 加上冷冷 的 sour cream, 伴有 香脆的煙肉粒及芝士粒, 有層次感, 食得開胃又豐富.芝士野菌雞肉焗螺絲粉, 店員提醒小心燙手!! 烤焗芝士已焗至金黃香脆. 雞肉嫩滑已去骨, 肉質優, 切成長條型, 野菌同螺絲粉, 混合了芝士, 軟滑味濃. 螺絲粉軟硬度適中, 拉絲芝士帶點邪惡 , 美味又好食, 適合午餐或晚餐. 芝士手工肉丸拿破崙醬汁焗飯, 那金黃色表層芝士非常吸引. 米飯加入烘鮮茄, 帶來酸甜味. 芝士忌廉齊混合, 調味相當出色. 手工肉丸, 份量足, 肉味香濃有彈性. 食得滿意.這餐廳座位充足, 食物足料好味, 價錢吾貴, 有自助調味料和餐具, 仲有可以洗手清潔. 喜歡芝士的寶寶必到.
繼續閱讀
🥪遊日懶人鐵板三文治 $73燒過嘅三文治麵包都好香軟,包住吉列和牛同北海道帆立貝,加埋熔岩芝士🧀他他醬同檸檬蛋黃醬嘅調味,有啲驚喜,食過就知點解係人氣之選☺️🍲芝士燒豬扒蘋果醬焗飯$78芝士焗飯,最基本嘅一定係要焗到芝士🧀要有啲焦香,呢點做得幾好🤓食落豬扒軟腍腍,搭配埋蘋果醬嘅香甜味,以焗飯嚟講非常之有新鮮感,值得一試🥰🍟洋蔥芝士 Crazy Fries $32作為薯條控嘅小編點會放過薯條🍟呀😋今次揀咗洋蔥芝士味,呢度嘅薯條本身偏幼身,炸得好香脆,洋蔥芝士🫕調味粉落得都好慷慨,唔會有唔夠味嘅情況,小編一食就停唔到口啦🤤🤤🍤脆脆芝士蝦球$38芝士蝦球入口都好香脆,而且蝦球入邊嘅芝士🧀都拉晒絲咁,夠晒滋味🤭🥤凍檸檬錫蘭紅茶$28錫蘭紅茶嘅茶底味好出,比出面嘅檸檬茶明顯多咗錫蘭茶嘅茶香味,飲落都有啲surprise 🤗
繼續閱讀
如果忽然間想食啲light啲、健康啲但係要有啲份量嘅沙律,Hand3AG應該會係第一時間諗到嘅一間~有成20款配料選擇,揀四款配料都只係$58,仲另外有得揀一款沙律菜做底,做得主打沙律嘅,配料turnover都快,新鮮都有保證,推薦德式烤豬手粒,少少鹹香又有咬口,可惜嘅係咁啱冇晒最喜歡嘅紅腰豆~另一個主打係鐵板燒三文治~有八款選擇,有辣有唔辣,慢調撕理食肉獸鐵板三文治($58)主力係慢煮手撕豚肉,肉質非常軟腍,加上熔岩芝士、炸洋蔥和烤蕃茄,主打一個Juicy,不過亦可能太多汁,麵包相對變得濕咗啲,所以真係要快啲食~如果唔想淨係食凍,呢度都有焗嘢,芝士野菌雞肉焗螺絲粉($68)有超級拉絲效果,用忌廉嚟焗,鍾意食creamy嘅人就一定啱啦
繼續閱讀