HAND3AG (朗豪坊) (已結業)

小店位於朗豪坊，主打日式厚切鐵板三文治，餡料選擇多到眼花，唔鍾意食三文治嘅話呢度都仲有其他輕食option，例如通心粉、焗飯、沙津、小食、croffle同飲品等！地點夠曬方便而且價錢都幾親民化，經過不妨試一試呀😋蝦兵蟹將鐵板三文治主要食材為軟殼蟹，炸至酥脆可口，另外有吉列手打蝦餅，外皮咬落脆身同時又帶點彈牙，配上青木瓜沙律同脆生菜感覺更fresh～ 醬汁方面有香蒜檸檬蛋黃醬同泰式酸辣蛋黃醬，兩款搭配神奇地match，開胃又惹味，正👍🏻歐陸監獄鐵板三文治嘅配料好特別，好似食緊個all day breakfast咁😂 卡邦尼通心粉、番茄肉丸、炸薯餅、熔岩芝士、荷包蛋、脆生菜，口感超級豐富，有煙韌嘅、有脆口嘅、又有彈牙嘅，好瘋狂好搞笑！醬汁係燒烤醬同俄式蛋黃醬嘅混合，唔錯～ 咕嚕咕嚕脆雞鐵板三文治比較常見，炸雞塊嫩滑又juicy、燒菠蘿夠濕潤🍍、搭配熔岩芝士、烤蕃茄、脆生菜同他他醬，經典配搭實唔會死，相對嚟講呢個搭配嘅整體口味更大眾化，大人小朋友都啱食，性價比高～ 除咗鐵板三文治之外，天氣咁熱，食返個凍三文治可以幫助解暑～ 去到嗰陣見到有兩款，要咗個超級玉子派對試試，主要材料為碎蛋，醬汁滿滿