Bakehouse

營業中

休息中

男友專程去排45 mins 先買到，當日閒日下午4-5點都仍然很多客人排長龍，要耐心等待，一場黎到當然買多d，食多幾款唔同麵包及甜點，所以今次都買左幾款麵包，中環店仲有限定麵包款式提供。Tropezienne好似迷你漢堡包，外形很可愛。個面係糖脆粒，個餡係幼滑creamy的吉士忌廉，睇得出有天然雲尼拿籽，特別香雲尼拿味，甜度亦剛剛好，食完無負擔，唔會好膩。抹茶冬甩脹卜卜的冬甩，爆餡好誘人，每啖都食到好多餡，軟滑creamy抹茶餡，有茶甘同抹茶香味，又平衡到甜度，食完唔會好膩，冬甩鬆軟微回彈，個面充滿砂糖，好邪惡好正。Sourdough egg tart味道極似焦糖燉蛋，有焦糖香味，甜中帶甘，燉蛋般嫩滑，雞蛋味濃郁，最正係個撻皮，係好似丹麥麵包的酥香油潤，但唔會好似酥皮咁油膩，超級好味，值得排隊買黎食。買的份量少，會給紙袋，如買較多份量，如4-6個蛋撻，或其他包/甜點類，有個盒保護住，外賣帶走就放心好多。