爆丼屋 (已搬遷) 新店位置

終於有人肯同我去旺角食爆丼屋，之前搵嘅朋友都無人肯同我去旺角，今次終於有人肯同我排隊啦。冇估錯，一來都已經有勁多人係出面排隊，我就等左半個鐘，終於有得入去食。黎到梗係嗌個招牌丼！四重火山盛丼。一上枱，個感覺真係好誇張，蔥吞拿魚腩蓉成座山仔咁高，而且味道都幾新鮮，仲有三文魚子、海膽同埋蟹肉，超級豐富，海膽金黃飽滿，味道鮮甜，一啲都唔腥，三文魚子卜卜趣，亦係非常鮮味，蟹肉就比較普通，冇咩驚喜，估唔到呢度仲陪埋兩包四州紫菜，用黎夾海膽食，確是不錯，食到好飽飽！下次再嚟試吓個海膽丼先。