呢到最出名就係生煎包，每枱都點！好貼心有2、4、6個揀。生煎包煎得好香，底部煎得非常香脆，一口咬落去超爆汁，小心噴到成身都係😂，肉餡份量都好足
原味小籠包
即叫即蒸熱度十足，小籠包皮薄，肉質鮮嫩唔會好肥，同生煎包一樣都好爆汁，整體不輸比生煎包。另外仲有蟹粉小籠包選擇
招牌擔擔麵
擔擔麵很有驚喜，湯底濃郁花生醬味，好特別加左唔少櫻花蝦。麵質軟硬適中，有彈性
雞絲酸辣湯
酸辣湯好開胃，個人覺得酸度比較高，湯中雞絲、竹筍、木耳絲份量好多，雞絲唔會好鞋。
豆漿
任個套餐/滿$60就可以任飲豆漿，豆漿口感好濃稠，甜度剛好
價錢好親民當然吸引左好多人，7點幾食完出去已經排晒長龍
