劉興記生煎包專門店

營業中

休息中

今日約咗朋友喺荃灣，朋友話要帶我去食一間好食嘅生煎包，呢間就係劉興記,劉興記生煎包專門店位於荃灣荃灣街市街37號地舖。呢間就連發哥都會幫襯嘅生煎包，我哋當然都要去試下啦！今日就點咗兩款生煎包，一款係招牌生煎包，另外再點多兩個蟹黃生煎包。招牌生煎包6隻$45,外表平平無奇,但食嘅時候真係要小心,一口咬落去熱辣辣嘅肉汁就咁噴咗出嚟,肉汁鮮甜,好似飲緊肉湯咁,皮薄包底脆，加上芝麻香，味道更上一層。蟹黃生煎包2隻$36,入口有驚喜，肉汁超多，先飲肉汁，後食蟹黃豬肉餡，最後食佢噶脆皮！口感豐富！冇時間去上海，唯有嚟食佢解饞啦！