燒味大王 (已結業)

星期六，放假! 懶到連買餸煮飯都唔想郁!想話指呀女友小熊去買餸煮飯，點知佢話唔舒服，指翻我轉頭叫我去買餸!激氣!肚餓又唔想郁，買外賣算數!但土瓜灣D兩餸飯又唔多掂，突然間心血來潮想食乳豬，於是行咗落去燒味大王，碰吓運氣睇吓有無乳豬外賣.一來我中意食燒味，二來土瓜灣唔係間間燒味檔有乳豬出售，最後幫襯過燒味大王，質素唔差，於是乎又去幫襯.未行到餐廳，老遠已經見到餐廳門口人山人海!再行近D，𠵱! 有乳豬掛出嚟喎，馬上hold起要一份先!又後油雞買半隻外賣，基本上已經夠餸，但D叉燒係燶叉黑邊好鬼吸引，所以同佢地講叉燒買最少 MOQ.燒味大王都算有心思，唔只每款外賣用個膠盒裝，連D豉油蔥油都分開裝，攞到翻屋企唔會話倒瀉哂!讚!乳豬係情意結，兒時只有去飲宴先有乳豬食，平時父母唔會買，所以當時中意去飲宴都係因為隻豬! 而燒味大王乳豬皮脆，中間沒有太多肥肉，當然要埋甜醬啦!因為更惹味.近期食過幾次油雞都不太滿意，雞肉唔夠滑，今次終於有好雞食，望上去已經知道雞肉嫩滑!油雞夠雞肉唔係D瘦雞! 雞肉嫩滑，可惜蔥油就咸咗D了!上次蔥油好味D，所以轉為點D豉油汁，味道帶甜，惹味好味之餘亦夾自己口味.好彩買咗叉燒