稻菊日本餐廳 (已結業)

稻菊出名食天婦羅，特登黎試下。環境舒適，bar檯有壽司位﹑天婦羅位同鐵板燒位。首先食左個特級壽司拼盤，有9件。跟住tempura食左蝦﹑蒜頭﹑大蜆同雜菜蝦餅，個大蜆好好味。之後叫左海膽炒飯同鱈場蟹煲，個煲($480)實在普通左啲，無咩味，加上啲鱈場蟹可能煮得太熟，硬左，仲之叫返壽司算數。全晚最好食都係燒toro壽司同天婦羅大蜆，臨尾個鱈場蟹煲簡直失敗。食物算好食，但並不是物超所值。