熟食都有好多選擇，例如炸物：榴槤炸彈，吉列蝦最吸引，外脆內軟👍🏻 蒜辣雞翼尖炆得超軟淋入味，開胃好味😋 炒熟蝦都好正，如果唔敢自己夾流水蝦，食呢個都一樣，剪咗蝦頭可以更加方便食到蝦膏～ 當然偶爾會食到一兩件蝦肉比較梅，新鮮游緊水嗰啲梗係好啲，但要動作好快如果唔係都夾唔到生猛嘅蝦，見到有好多有蝦籽嘅母蝦好肥好大隻😍
肉類都好多選擇，有牛扒，五花肉，雞翼等等，最好嘅係佢有幾樣調味料，鹽，孜然粉，辣椒粉，可以按照自己嘅喜好調味😆 仲有燒玉子，估唔到又幾惹味～
最後食到咁上下，就係緊係要拎甜品，雪條，雪糕等等，多多款式任人選擇，熊貓雪條至啱小朋友心啦😆
