影片
更多
2016-11-06
957 瀏覽
周六，友人相約到佐敦長樂街，附近一帶看似冷冷清清，估唔到都有高質燒肉店的存在，都算係驚喜大發現喇﹗店內環境係簡約和風設計，淺木色餐桌更有舒適、親和感覺；一打開MENU，內心深處的燒肉魂馬上滾動燃燒﹗什麼卡路里放埋一邊先，食咗先算喇﹗是次點了二款燒肉定食，包括PRIME牛小排、鹽燒豚腩肉、豆付沙律、 帆立貝、虎蝦，配醬油烏冬， 對於兩位女生嚟講，這個午餐份量豐富到OVER咗喇﹗首先嚟一道豆付沙律可謂清新之選﹗骰仔般嘅豆付，豆味香濃嫩滑，配埋麻醬已經係不敗組合，而且沙律菜都唔會係嗰種雪到霉霉爛爛，依然新鮮清爽。值得一讚係店員服務細心，幫你燒之餘仲會講埋技巧，燒到血水出嚟就可以反另一邊，不過豚腩肉始終唔好燒咁耐，否則就會變到乾柴「鞋」口 。而PRIME牛小排，見到脂肪肉紋分佈得細緻均勻，味道當然及唔上雪花和牛有入口即融嘅感覺，但多咗一分爽滑、嚼勁，牛味依然香濃，肉汁JUICY，唔洗點燒汁已經好好味﹗﹗﹗接位食海鮮類帆立貝，睇見新鮮肥美，仲加上黑松露牛油，更加係矜貴獨特嘅食法，而最後壓軸嘅燒虎蝦，隻蝦真係有手掌咁長，好誇張~蝦背會專登剪開咗，令蝦身可以更快燒熟，員工仲特別叮囑呢PART由佢哋嚟
是次點了二款燒肉定食，包括PRIME牛小排、鹽燒豚腩肉、豆付沙律、 帆立貝、虎蝦，配醬油烏冬， 對於兩位女生嚟講，這個午餐份量豐富到OVER咗喇﹗首先嚟一道豆付沙律可謂清新之選﹗骰仔般嘅豆付，豆味香濃嫩滑，配埋麻醬已經係不敗組合，而且沙律菜都唔會係嗰種雪到霉霉爛爛，依然新鮮清爽。
值得一讚係店員服務細心，幫你燒之餘仲會講埋技巧，燒到血水出嚟就可以反另一邊，不過豚腩肉始終唔好燒咁耐，否則就會變到乾柴「鞋」口 。
而PRIME牛小排，見到脂肪肉紋分佈得細緻均勻，味道當然及唔上雪花和牛有入口即融嘅感覺，但多咗一分爽滑、嚼勁，牛味依然香濃，肉汁JUICY，唔洗點燒汁已經好好味﹗﹗﹗
接位食海鮮類帆立貝，睇見新鮮肥美，仲加上黑松露牛油，更加係矜貴獨特嘅食法，而最後壓軸嘅燒虎蝦，隻蝦真係有手掌咁長，好誇張~蝦背會專登剪開咗，令蝦身可以更快燒熟，員工仲特別叮囑呢PART由佢哋嚟燒以確保品質，認真細心呀﹗
蝦身非常之「好肉地」，好厚身，咬落爽口唔在講，仲可以扯出肉絲，唔新鮮都做唔到呢個效果﹗﹗﹗
一邊享受燒肉海鮮，一邊嘆埋暖笠笠、滑嘟嘟嘅醬油湯手打烏冬，真係大滿足呀﹗周末偶爾放肆一下，都不為過啫﹗﹗﹗
張貼
