響日本燒肉 (已結業)

今日同朋友去銅鑼灣血拼左一日肚又餓，最後決定食自助餐同時解決午餐同晚餐。於是就去左呢間位於渣甸街亨環2樓既日式燒肉餐廳 響-hibiki。入到去見到全層格臨都偏日式風格，門口放著各種唔同既酒同飲品。座位都算寬闊，侍應姐姐招呼我地坐低之後就開始介紹佢地既野食。佢地會首先推薦你食佢地兩個招牌頭盤，其中一個係燒肉拼盤，當中有各種澳洲和牛包括肉眼，胸腹等。另外仲有豚肉同雞肉。而另一盤就係刺身拼盤，有三文魚希靈魚帶子大蝦同海膽蛺等等。我個人最鐘意蠔，點少少壽司醬油落海膽再一次過食落肚會更鮮甜。之後就係任食時間啦，我自己就偏向只食自己鐘意食既肉，而朋友就鐘意樣樣都試少少。而令我有深刻印象既係澳洲和牛類，燒完出黎牛味好香濃，再點少少鹽同黑糊椒食特別香。炸物方面我就鐘意大蝦天婦羅同松葉蟹柳天婦羅，炸得岩岩好，麵粉包住個層肉又唔會太老 ，恰到好處。