平昌

營業中

休息中

我好中意食烤肉，所以都會去唔同嘅烤肉店試試，今次就去咗呢間平昌。佢都有幾多肉類揀，而且佢仲有爐邊蛋同埋海鮮，仲有其他韓式小食，例如海鮮煎餅，粉絲餃子，所以都幾多選擇嘅～野飲任飲，自己攞。佢嘅肉類有分有醃同埋冇醃嘅，我個人就比較中意冇醃嘅，因為先食到肉類本身嘅味，醃咗嘅話本人覺得略甜，失去了本身肉類嘅香味。五花肉幾大舊，有分薄切同埋厚切，而厚切嗰d，可以用旁邊嘅剪刀剪開，會比較容易熟，我主要食豬，比較少食牛。另外佢個爐邊蛋都幾好味，如果中意食芝士嘅，可以加5蚊加埋芝士入去，會更好食！