影片
更多
2023-07-15
229 瀏覽
韓式燒肉放題，我真係第一次食🤭估唔到呢個價錢可以有咁多選擇同咁抵食! 其實都係朋友介紹，同埋見到OpenRice好似攞過「最優秀開飯韓國菜餐廳」，而且地段真係非常就腳，距離油麻地地鐵站或者喺旺角地鐵站都只係7分鐘步程，而且兆萬中心地下有一部直通升降機上到嚟！就算係平日嘅時間都非常多人！好在有先打電話來預約。佢哋有三個唔同嘅價錢選擇，有大君$228、世子$318同國王$658，我同朋友就揀咗一個中間價位嘅試下🤭有兩個餐牌俾我哋睇，再喺白板寫低編號落單，會再根據人數給予份量！出面半自助形式嘅仲有雪糕同飲品，仲有一個雪櫃喺電梯隔離，係送埋俾follow 社交平台嘅客人，享用「朱古力餅夾棉花糖」。世子套餐入面，真係有好多海鮮同高級肉類！淨係豬肉單一個餐牌已經有至少有9款選擇！海鮮更加係有齊晒石蠔、青口、油蛤、蝴蝶蝦、帶子、扇貝、虎蝦、魷魚、鰻魚…因為我真係好鍾意食海鮮，真係睇到個餐牌嘅海鮮已經開心到不得了！而我朋友就係牛肉嘅Fans！見到有牛肉眼、西冷扒、T骨牛扒、牛前胸腹肉同牛舌多種選擇，仲未計其他前菜料理小食，老實講就算咁大食如我，都真係食一次都食唔晒咁多款式，雖然我都好貪心，每樣都叫咗啲
出面半自助形式嘅仲有雪糕同飲品，仲有一個雪櫃喺電梯隔離，係送埋俾follow 社交平台嘅客人，享用「朱古力餅夾棉花糖」。
世子套餐入面，真係有好多海鮮同高級肉類！淨係豬肉單一個餐牌已經有至少有9款選擇！海鮮更加係有齊晒石蠔、青口、油蛤、蝴蝶蝦、帶子、扇貝、虎蝦、魷魚、鰻魚…因為我真係好鍾意食海鮮，真係睇到個餐牌嘅海鮮已經開心到不得了！而我朋友就係牛肉嘅Fans！見到有牛肉眼、西冷扒、T骨牛扒、牛前胸腹肉同牛舌多種選擇，仲未計其他前菜料理小食，老實講就算咁大食如我，都真係食一次都食唔晒咁多款式，雖然我都好貪心，每樣都叫咗啲，都提下大家千祈唔好叫咁多食唔晒浪費食物😳每個人鍾意食嘅款式都唔同，鍾意嘅口感都唔一樣，好難評論哂每一款食物！😂😂😂而我對豬肉嘅要求真係特別高，佢哋嘅豬五花腩肉係肥厚剛剛好！而海鮮嘅新鮮程度係每一隻蜆都好大隻同開晒，入口鮮甜爽口，仲要真係有埋蠔，重要食得出有咁上下質素，完全對得住呢個價錢！
其實睇放題，真心價錢抵、環境衛生舒服、出餐快、小漏單、食物質素高，我個人覺得呢幾樣夾埋全部都做得好好，攞「最優秀」真·實至名歸！
張貼
