本佐日本燒肉料理 (已結業)

今次又食二月生日既朋友仔生日飯，間餐廳係慶壽星女自己揀既，佢話之前已經試過，覺得幾好食好回味就想再嚟。朋友本身想嚟係因為話佢啲肉好食之外，仲有魚生、壽司同小食等等日式食品，我知道都好期待。當日食係平日，價錢係$278一位加一，燒肉放題界嚟講價錢都合理。餐廳大部分位置都係卡位，坐得幾舒服之餘張枱又大，放好多嘢食都無問題。一坐底就已經會俾個拼盤我哋，第一輪既肉都係三人份，等我等試下鐘意食邊啲多啲再叫嚟食。燒肥牛，好好味第二輪既肉，叫咗超多唔同既肉，事關佢每一種肉類都有細分好多唔同部位，例如牛已經有牛小排、牛仔骨，豬又有裡肌肉、豬頸肉、五花肉等等，非常多唔同種類既選擇。除咗唔同既肉之外，仲會有一啲墨魚丸、芝士腸、蒜香腸等等選擇。海鮮就會有蜆、蠔等等，啲蠔好新鮮，仲叫咗幾轉添。食咁多肉仲有蔬菜類可以試下，生菜可以包住燒好既肉嚟食，又有一啲瓜類等等可以叫。燒肉之外，另一個重點就係刺身放題！三文魚、甜蝦、帶子等等都有得叫，encore咗幾次添。有好多火炙壽司可以點，最驚喜就係有呢個三文魚籽軍艦，出面散叫都幾貴下，呢度竟然有得任食！仲有一啲炸物小食等等都有得叫！