神木日本料理 (已結業)

日式燒肉真係四季都啱食，今日試咗呢間，餐廳喺觀塘巧明街，apm過嚟非常方便，過條馬路就到。餐廳環境，感覺乾淨企理，環境舒適，最正係佢有個露天嘅地方，都係可以食放題， 而且係寵物友善餐廳🥰🥰餐廳主打兩種放題包括‘’A5鹿兒島薩摩和牛‘’ 同‘’M7澳洲和牛‘’， 今次我哋揀咗澳洲和牛，每樣都叫一輪試下先😆🌟刺身拼盤一共有四種包括帆立貝、三文魚、吞拿魚、甜蝦同北寄貝，睇埋相都知好新鮮，尤其是個帆立貝，我覺得好正呀😍🌟海鮮拼盤食完刺身梗係要開始燒烤啦，見到個日式燒烤爐就開心， 即刻有番喺日本食磯丸海產嘅感覺🤭海鮮有鮑魚、扇貝、魷魚同甲羅燒，真係樣樣都好食，甲羅燒超足料，魷魚燒完好香，正👍🌟M7澳洲和牛燒澳洲和牛梗係好味啦，兩個部位都好美味，另外牛舌都唔差，燒厚切牛舌已經好正。 除咗燒肉醬、海鹽、黑椒之外 ，餐廳仲提供一種少有嘅醬汁，鹽醬，配牛肉好夾👍🌟壽司放題仲有壽司提供，叫咗少少試下，三文魚、馬刀貝、赤貝同白身魚壽司， 壽司飯都做得幾好，味道唔錯👍🌟炸物試咗佢哋嘅日式餃子、唐揚雞塊、吉列炸蝦同吉列廣島蠔， 由於樣樣都係新鮮炸㗎，大家小心啲，好易辣親個嘴仔🤪除咗放題食物，出面仲有啲自己攞嘅小