和牛燒肉一郎 (新都城中心二期) (已結業)

老公係牛魔王，最鍾意食牛肉!呢日經過新都城見到勁大隻牛牛係門面，睇一睇原來係燒肉專門店!簡直係中正老公紅心!二話不說佢已經即刻話要入去食晚餐!入到去環境好舒服，仲有卡位坐，呢度係放題形式，我地叫左course C，已經包左好多貴價和牛，呢度落單係掃QR code，但建議大家等個Course既食物黎左先~因為單單寶盒同和牛海鮮船已經好多野食!呢度既食物presentation勁靚!寶盒入面係和牛花，仲有d豚肉同配菜，色彩繽紛到唔捨得破壞佢既美感!而寶箱入面既係A4和牛西冷，薄切一大塊，油花分佈平均，一擺落網燒已經勁香，肉質嫩滑，而和牛薄灸壽喜燒里脊肉都好出色，大大一塊，輕輕一燒，卷埋黎食再點少少蛋汁，肉汁係口度爆發，超級正!極上厚切牛舌落左少少鹽同黑椒調味，咬落又爽又林，口感好正!怕Heavy既朋友仲可以order 生菜包住食~牛肉正，我想話豚肉同雞肉都唔輸蝕，好新鮮又冇酥味，肥瘦適中，配菜南瓜同冬菇都食到係好新鮮既食材!海鮮方面我推介有扇貝，本身係舟盛都有，但自己另外叫可以有牛油蒜味選擇，想食清D可以選擇就咁食舟盛既扇貝~可以食得出佢本身既鮮味，想食濃味既又可以另外落單叫牛油蒜味!呢個