牛舞日本燒肉‧涮涮鍋放題 (1亞太中心) (已結業)

呢排考完試，好想減減壓，所以就約埋一班食肉獸食燒肉放題發洩啦！今次嚟到觀塘亞太中心呢間牛舞，好多餐揀，但唔理啦，一於食最豪果個啦哈哈😁呢度嘅肉類選擇超多😮牛雞羊乜都有，燒肉有薩摩和牛赤肉、和牛粒等等，和牛超高質，油花分佈平均，牛肉的甘香之餘又有油花嘅甜味！好特別仲有牛𣺉，肉質彈牙得黎好juicy， 口感豐富👍🏻👍🏻燒肉汁雞腿肉、京葱雞肉串同雞中翼都係出色，雞肉新鮮爽滑，完全唔會有雪味！燒肉之外，邊爐都可以任叫🤩話明日式放題，試咗壽喜燒湯底，出面好少食到，一樣叫左好多食材，包括牛板腱涮涮鍋片同鴨血等等。我地戰鬥力都好勁，蟹肉忌廉餅同雞皮餃子🥟上檯時都係熱辣辣，仲有超精緻七彩壽司卷，最後甜品有榴槤炸彈埋尾，一行人飽到傻🤪今餐十分滿意，下次一定會再黎！