和牛燒肉一郎 (新都城中心二期) (已結業)

120分鐘放題揀左特選牛B餐，食物種類已經多達102款，當中包括美國和牛、澳洲和牛、日本產豚肉、日本產雞肉、海鮮及野菜，另外仲包埋自助飲品、沙律、甜點及雪條，都真係幾多野食。用QR code手機落單，點餐後以燒肉新幹線智能送餐，衛生方便。放題梗係主打食牛，個人最鍾意壽喜燒牛肉，牛肉會比較薄，味濃肉質嫩，沾蛋汁食一流，會令味道更加豐富。其次特選牛肋肉、牛里脊肉都係唔錯選擇，油花分布平均，而且甚有口感。海鮮推介，牛油蒜蓉帶子同牛油蒜蓉開邊蝦，另外，估唔到吉列蠔都非常出色。最後一定要食甜品作結尾，全部都係日本雪條，而且細細條唔會太飽。