黑木 (已結業)

天氣開始熱，去沙灘燒嘢食已經變成幻想。但肥仔好想食密密燒，終於搵到個地方可以涼住冷氣嘆高級燒物。睇到個門口就已經感到唔簡單~記得睇埋呢個餐牌但係原來一啲都唔貴，燒油甘魚鮫都係138蚊。食隻生蠔消消暑先，見到隻蠔仲郁郁吓，真係好新鮮。燒黑豚肉，燒到嘅肥豬膏脆卜卜又香又多汁啲肉係爽㗎雞皮無得頂呀唔該幫我開支十四代吖呢個沖繩豬手，豬皮煙韌帶甜，仲有一陣嘅香味~必食!呢個係超級精緻嘅海鮮茶壺湯，入面收埋咗粒大蜆，雞肉，冬菇，味道清甜。大滿足!