西餐大排檔 (已結業)

有一排都冇去銅鑼灣，今次難得過到去，就去食好嘢。呢間絕非大排檔嘅「西餐大排檔」食物同服務質素都非常唔錯。蝦多士＄99賣相非常有趣，原隻大蝦鋪在多士上再拎去炸，呢個食法真係第一次，切開一人一半啱啱好，重點一定要點上旁邊嘅醬汁，會令整個蝦多士味道層次更豐富，醬汁帶少許辣味。黑毛豬熱脆包＄89黑毛豬係餐廳嘅招牌之一，麵包薄而脆口，包着黑毛豬和醬汁，今次嘅醬汁都係令整個脆包更juicy,旁邊放上菠蘿，可以俾我哋清一下口中嘅膩感。燒牛脷＄129呢個菜式可以比到客人唔同嘅口感，上面兩件牛脷爽口彈牙，適合鍾意有咬口嘅客人，我個人就鍾意都在下面的牛脷，有充分嘅油脂，配上旁邊的蜜糖芥茉醬，完全係入口即化。蝦肉醬蘑菇意粉＄99蝦肉好爽口彈牙，意粉偏硬身，將其混合肉醬，完全塞晒醬汁嘅味道，帶少許酸甜，味道剛好唔會太濃。菠蘿雪葩＄79上網見到呢個菠蘿非常有趣，所以特登點出黎食，整個小菠蘿生菜，非常呃like，食得出係將菠蘿汁打碎，味道好新鮮，酸酸甜甜，識唔識混入糖漿，呢個甜品好健康。