影片
更多
2023-03-17
42 瀏覽
燒烤堂 KUSHI by Skewer Kitchen📍旺角通菜街1A-1L號威達商業大廈3樓A室上次去完炭火地雞之後，有foodie朋友同我講原來燒烤堂都有類似款式嘅嘢食，不過口味更多元化，而且價格更相宜，所以我同朋友又去咗試下！果然，佢哋嘅menu都非常相似，但除咗食品單價平啲之外，為咗方便食客選擇，佢哋會標明每一種食品嘅風格，包括日、泰、港、川、西、新疆、台、同埋佢哋自家產品「堂」。因為同一款食材可能有幾種口味供選擇，所以有呢個細心位，令大家揀嘅時間更方便易明，值得一讚！連埋嘢飲，今次我哋叫咗35樣食物同飲品，以下將介紹比較有特色嘅樣俾大家！ 💰$38豚肉節瓜波板糖 (附月見) 🐖🍭全場至得我心嘅一定係呢款店家得意作，豚肉節瓜波板糖！除咗造型既獨特又有心思外，我最欣賞佢可以將我最唔鍾意食嘅節瓜整得咁好食！佢係一層豚肉一層節瓜咁樣卷成一個波板糖形狀，節瓜已經笑得非常林申，完全無我平時唔鍾意食嘅泥味同腥味，豚肉肥瘦適中，沾埋蛋黃一齊食，份外惹味！ 💰$48黑魚子蟹肉鱈魚乾 🦀🐟你又估唔估到黑魚子、蟹肉同鱈魚乾可以有個咁搞鬼嘅配搭？佢用咗熱熱哋嘅鱈魚乾做船身，上面放滿凍蟹肉，加埋黑魚子
📍旺角通菜街1A-1L號威達商業大廈3樓A室
上次去完炭火地雞之後，有foodie朋友同我講原來燒烤堂都有類似款式嘅嘢食，不過口味更多元化，而且價格更相宜，所以我同朋友又去咗試下！果然，佢哋嘅menu都非常相似，但除咗食品單價平啲之外，為咗方便食客選擇，佢哋會標明每一種食品嘅風格，包括日、泰、港、川、西、新疆、台、同埋佢哋自家產品「堂」。
因為同一款食材可能有幾種口味供選擇，所以有呢個細心位，令大家揀嘅時間更方便易明，值得一讚！
連埋嘢飲，今次我哋叫咗35樣食物同飲品，以下將介紹比較有特色嘅樣俾大家！
[價錢 Price]
💰$38
豚肉節瓜波板糖 (附月見) 🐖🍭
全場至得我心嘅一定係呢款店家得意作，豚肉節瓜波板糖！除咗造型既獨特又有心思外，我最欣賞佢可以將我最唔鍾意食嘅節瓜整得咁好食！佢係一層豚肉一層節瓜咁樣卷成一個波板糖形狀，節瓜已經笑得非常林申，完全無我平時唔鍾意食嘅泥味同腥味，豚肉肥瘦適中，沾埋蛋黃一齊食，份外惹味！
[價錢 Price]
💰$48
黑魚子蟹肉鱈魚乾 🦀🐟
你又估唔估到黑魚子、蟹肉同鱈魚乾可以有個咁搞鬼嘅配搭？佢用咗熱熱哋嘅鱈魚乾做船身，上面放滿凍蟹肉，加埋黑魚子，一啖咬落去有三重享受！好似我朋友個口咁大，一啖都食唔晒，可想而知有一件有幾大幾足料！
[價錢 Price]
💰$28
明太子燒厚揚豆腐 🍢
個人認為淋咗明太子醬嘅嘢食，基本上都好難唔好食！朋友大讚呢款燒豆腐好食，我都好同意。佢嘅燒豆腐口感其實好似港式臭豆腐，一燒起熱辣辣嘅時候食，真係好好味！
[價錢 Price]
💰$28
焦糖鰻魚芝士玉子燒 🐟🍳
玉子燒好滑嫩，中間夾有少少鰻魚，芝士同焦糖味唔會過份搶戲，一串得兩嚿，真係好唔夠喉呀！
[價錢 Price]
💰$48/隻
芝士燒廣島蠔 🧀🦪
呢兩隻蠔芝味十足，芝士鋪滿整個蠔殼！佢嘅芝士唔會燒到過濃，帶少少脆口，同隻蠔非常夾！
[價錢 Price]
💰$48
牛油蒜蓉燒虎蝦 🧈🦐
睇下隻虎蝦幾大隻！難得食到一隻燒蝦唔會燒到老晒，輕輕一拉，肉同殼輕易分離，食落啖啖肉，仲有牛油蒜香味，正！
[價錢 Price]
💰$68
鹹蛋黃煎墨魚餅 🐟🫓
鹹蛋黃乜乜通常都無咩伏，呢個煎墨魚餅本身嘅墨魚味唔重，但食到有墨魚粒粒，唔似坊間得粉嗰種。正因為墨魚餅本身味道較淡，加埋鹹蛋黃醬一齊食就啱啱好！
[價錢 Price]
💰$36
孜然燒蒜蓉茄子 🍆
茄子嘅調味適中，燒到軟身嘅茄子肉，食落有淡淡嘅孜然香，加埋大量嘅蒜蓉，令人食到一啖接一啖！
張貼
