今晚我地主打食燒海鮮！呢度既海鮮又新鮮又肥美！鮮甜無比！而且仲啖啖肉，又有好多款唔同既口味可點選！
蒜蓉牛油焗蜆！熱辣辣，牛油、蒜蓉都超香超惹味，配埋蜆肉，又清甜又鮮美，超美味！份量又多，正！
燒扇貝蒜蓉口味，扇貝大大隻啖啖肉，很肉厚！滋味！配埋蒜蓉，勁邪惡！
黑豚肉五花腩串，燒得勁香口，惹味，啖啖肉好香脆，非常出色！
台式黑椒腸，黑椒腸帶點點微辣，味道好吸引，而且台式腸帶點點甜味，煙煙韌韌的，好正！
燒香菇，又多汁又清甜！好好味
牛油錫紙焗金菇，金菇又香又滑，濃濃既牛油勁入味！非常惹味同大滿足！
燒生蠔！勁大隻既蠔！每隻蠔都超巨型，啖啖肉好滋味，我們仲點了3款唔同口味，芝士、蒜蓉、香辣蒜蓉，每款口味都各有千秋，我們最愛都係芝士焗！勁邪惡，又芝味！正！
燒大頭蝦，蝦肉清甜爽口，啖啖肉好滿足！
燒蟶子蒜蓉口味，蟶子非常清鮮，而且蟶子肉都好爽口彈牙，而且大大條的，超有咬口！
燒羊架，勁美味，羊架燒得恰到好處，岩岩好熟到，咬起來肉質仲好嫩，又勁香羊味！啖啖肉，勁滿足！
雞翼串勁惹味，燒到皮香肉嫩，超多肉汁，香氣撲鼻！
軟殼蟹手卷，軟殼蟹脆卜卜，金黃香脆，超美味！紫菜又脆卜卜，整個手卷都相當美味！
餐廳既燒物非常出色，款式又多！慢慢傾計嘆下～正
而且飲品都超巨大同埋特別！
檸檬紅茶！超大杯，慢慢嘆，茶濃檸香！
鯊魚特飲，賣相好得意，而且杯野飲仲會變色的，相當新類，而且飲起來非常清新同解渴！
