丸十あぶり牧場 (已結業)

今日終於都食到呢間日式料理，好高質而且環境又舒服!餐廳門口已經有酒精搓手液提供，食飯前可以消毒下雙手先!我地首先叫咗個明太子玉子燒，蛋好嫩滑而且蛋味夠濃，加埋明太子餡真係好正又新鮮，作為前菜岩哂!之後就叫燒和牛丼，雖然$148好似貴咗少少但絕對係值既，因為燒得好靚，入口軟淋又重牛味，加上醬汁調味都岩岩好，送飯一流!另外再叫咗牛舌丼，牛舌都係燒得好香，雖然唔係厚切但都食到好juicy同埋口感唔粉，好出色!最後再食埋雞之響宴，有雞胸，雞翼，雞軟骨，雞皮等等，鍾意食雞既真係冇得輸一定要食，因為燒得好香而時間岩岩好，juicy得嚟有雞味，冇咩雪藏感!