阿爺燒鵝餐室 (已結業)

今日經開西灣河，帶定個食物盒諗住去美食天堂太安樓睇下有咩可以買返屋企加餸，途中路過一間新開嘅燒味店，見到一隻隻好Juicy嘅燒鵝掛曬係度，鵝皮色澤赤紅帶光澤，皮肉飽滿，真係好吸引！二話不說睇下Menu食乜好先，基本上所有平常食嘅燒味都有，價錢亦大眾化。外賣燒鵝雖然拎到返屋企都凍咗少少、但吃落鵝味濃郁，肉質夠嫩滑，不韌不乾、味道剛剛好不會太鹹。去到燒味店又點少得買叉燒呢。好怕啲叉燒又鞋又乾，呢道嘅叉燒冇另我失望，肥瘦適中，香軟可口，蜜味夠香濃。此外店內還有各式燒味，除了燒味之外，亦附設早餐、茶餐同麵餐，多元化嘅選擇。經過附近可以來吃個下午茶或買些燒鵝、叉燒、燒腩仔加加餸。