棋子燒鵝 (加拿分道)

營業中

休息中

今日行完街就想去搵間燒味舖食，上網見到呢間棋子燒鵝好似好出名就試吓啦。去到門口職員好快安排入座，我哋叫咗個二人餐($248)，分別有一份例牌燒鵝，一份自選嘅單拼燒味，我哋揀咗叉燒，另外仲有一份油菜同埋兩碗瀨粉，飲品或老火湯可以揀兩款。個叉燒同燒鵝就上枱先，個叉燒比我哋想像中大份，入邊都係半肥瘦嘅肉，咬落唔會太油膩，仲有叉燒嘅焦香嘅感覺。而個燒鵝皮脆肉嫩，好有油香味。店員介紹話鵝係自設場地嚟養，到店舖即場用爐燒，即燒即斬即賣。嗰隻燒鵝髀真係不得了，一啖咬落去，點埋個酸梅汁真係好好食，好快就比我哋兩個清左成碟。另外仲有兩碗瀨粉，一份油菜同埋飲品同埋老火湯，全部野都好大份，同埋兩個人食一定夠飽。如果有機會推薦大家試下！